[سعد الفلاح]

عابد البراك

جيت اطالع شاشة النت ادورلي بعيـر=له سنه مالاحلـي يانجـوم المنتـدا
من غلاه اسج الاقدام في وقت العصير=اتنشد عنه لـو طـال بعـده وبعـدا

زلزال الرعود

جيت يادوار تبغى بعير بضلف عير=له سنه تبغاه مدري حيا وألا ردى
الغلا ذباح والموت في حب الصغير=مار لامن مت ياصاحبي قلنـا فـدا

عابد البراك

انت زينت السواليف والمقصود غير=جيتنا فزاع تحدي عـل عابـد حـدا
الجحش موجود سموه جحشان الكبير=الاصيـل ابطبعـه معربـا ومفـردا

زلزال الرعود

مافـزعـنـا ألا عـلــى شـــأن عـابــد يسـتـخـيـر=عــن غــلا بـــث الـثـريـا عـلــى بـعـيـد الـمــدا
انـــت مـاجـابـك حـنـيـن البـعـيـر ولا الـهـديــر=انت جيت اتدور الموت بعيون العدا

عابد البراك

انت لقمه في فمي مير مبغا تستذير=لين اكمل مطلبي معك غايت مقصدا
راجع الخطبه ونفذ ليا شفت المدير=لايجيك انذار وتروح في كلمة فـدا

زلزال الرعود

فمك فاتح مايسده سوى سمن ومضير=عيـن حـورا مـار الآذان ماتـوح النـدا
من حدر واد الرمه ماحدر واد الجريـر=ومن غدا قلنا عن الـدرب ياعابـد غـدا

عابد البراك

ناقة الشاوي لاياحينت تروي عمير=وانت تبغاءلروى ثم تبغـا تمـددا
ياسفير اسويسرا لاتدهور ياسفير=كل وادي جيت بطنه وتبغا ترقـدا

زلزال الرعود

مانت ناقـة يابـن بـراك رجـل ٍ فيـك خيـر=مـار مدحـي فـيـك لايـذهـب الليـلـه ســدا
مار ابا اسلك من الضيق في سلك الحرير=المعـارك والحـرايـب تـبـا نـسـل اعـقـدا

الموضوع الأصلي: عابد البراك وزلزال الرعود | | الكاتب: سعد الفلاح | | المصدر: شبكة بني عبس

[سالم الرشيدي]

صح السنت الشعااار

مشكور يامشرفنا الرائع


على التنسيق الاروووووع


ولونك ؟؟؟؟؟؟ بس ماعليه ههههههههه

[سعد بن حميد]

صح لسان كل شاعر منكم

وبيض الله وجهك على التنسيق

ودمتم

[سعد الفلاح]

اقتباس من مشاركة سالم الرشيدي صح السنت الشعااار مشكور يامشرفنا الرائع على التنسيق الاروووووع ولونك ؟؟؟؟؟؟ بس ماعليه ههههههههه

العفو ياسالم ولو انك ما ههههههههههههههههههههههههههه

[عبس404]

صحة السنتكم جميع




ومشكور سعد على التنسيق

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي