[سعد الشقل]

عبدالباري عبدالعزيز

النـاس قامـت تلـد انظارهـا بالـذيـب سـرحـان=والـذيـب كـنـه يـبـا يخـلـي بـــلاده ويهـجـرهـا
من علّم الطرقي الزعـلان عـن خاتـم سليمـان=حسبي على اللي عواريف الرجاجيل ايخسرها

الجحش

الناس نظراتهم فيها لراع العـرف عنـوان=ماكل عينٍ على الفاضي تبا تتعـب نظرهـا
مدام للعافيـه طـاري تـرى مافيـه خسـران=و الارض لابد يملا بطنها اللي في ظهرها

عبدالباري عبدالعزيز

ياصاحبي مابقا ألا نعتذر ناصر صويان=واروح لديارنا اللي قبل عامين اتخبرها
امقيط ورشاه خلايناه عنا بضلع ورقان=والديره اللي جفتنا مانتذرّا في شجرها

الجحش

خلّك مثل مانت وإنسى وعتبر ماكن شئ كان=لاتشقي النفـس ليـن تظيـق ويـورّم سحرهـا
بكيـت عنتروعبلـه قبـل وضحـى وابـن عجـلان=مـعـاد يمديـنـي اجـــرّب عـيـونـي وأختـبـرهـا

عبدالباري عبدالعزيز

ياكثر مااشوف واسمع يوم ادوج بكل الأوطان=احـد ٍ يسـوق السفينـه واحــد ٍ يـاقـف نحـرهـا
مـادام تبكـي علـى ذولا نبـا نسويبـك احـسـان=لاتسري الليلـه اللـي غـاب عـن عينـك قمرهـا

الجحش

من راقب الناس شبع من الهموم ومات جيعان=والنـفـس ماتسـتـريـح الا لـيــا جـاهــا قـدرهــا
ياساكـن الـروض لاتسمـع كـلام افـلان وفـلان=انـا مـن الشجـره اللـي ياسعـد تقطـف ثمرهـا

عبدالباري عبدالعزيز

من لايميّـز مابيـن النـاس مانعتبـره انسـان=اتشوف الاحياء ولاتقدر تواجـه مـن قبرهـا
مااشغلت فكري بقصة كان ياما كان لو كان=اشغلت فكري بشجرة حار عقلي من عبرها

الجحش

ياما غدا من جمل حول اودية رابغ وعسفان=يــوم الحجـيـج اول الايــام ياصلـنـا خـبـرهـا
الحيره اللي تعوّذ من سببها الانس والجـان=لاتشغـل الفكـر فيهـا صـد عنهـا وختصـرهـا

الموضوع الأصلي: عبدالباري × الجحش | | الكاتب: سعد الشقل | | المصدر: شبكة بني عبس

[عبدالباري عبدالعزيز]

الأخ مشرفنا الغالي سعد الشقل
لاتافي الكلمات بجميلك
مشكور على تنسيق المحاورة

[الراكد]

ذكرتوني بالفراعنه

الله يعطيكم العافيه

[خالد البغيلي]

الله يعطيكم العافيه

[ناصر خنيفر]

الله الله طاروق جميل مشكورياسعدعلى التنسيق وعاش الجحش والشاعر عبد الباري

[ناصر خنيفر]

ياساكن الروض لاتسمع كلام فلان وفلان = انا من الشجره اللي ياسعد تقطف ثمرها

سوف نقوم بتحليل هذا البيت لتوصل الى معرفة عبد الباري ابن عبد العزيز

[عبدالباري عبدالعزيز]

اقتباس من مشاركة ناصر خنيفر ياساكن الروض لاتسمع كلام فلان وفلان = انا من الشجره اللي ياسعد تقطف ثمرها سوف نقوم بتحليل هذا البيت لتوصل الى معرفة عبد الباري ابن عبد العزيز

لاتتعب حالك يالعمدة بالتحليل ،،المقصود بهذا البيت سعاد عادي،لأن الجحش زعلان عليه ههههههههههههه

[ناصر خنيفر]

اقتباس من مشاركة عبدالباري عبدالعزيز لاتتعب حالك يالعمدة بالتحليل ،،المقصود بهذا البيت سعاد عادي،لأن الجحش زعلان عليه ههههههههههههه

1- اذا كان سعد عادي شاعر فاهو عبد الباري ولكن انا ماسمعت سعد عادي شاعر وهو دايم معي بالحزب ولكن سوف اسال المقربين منه

2- سعد عادي منقطع من مده
ياعبد الباري حتى الفلوس دفعناها لمعرفتك ولا لقينا من يفيدنا


والله لدفع جميع المال من شان= نعرف عميل ٍ اسنين النا عميل ولاعرفناه