[سعد الفلاح]

عبدالباري

عـادل الليلـة نشوفـه علـى سطـح القمـر=صـار علمانـي وجـاب ألوطنـا العولـمـه
شرب سبع بحور لاكان عجزإعْن النهر=يدعـي بمحاربـة فـكـر حــزب مسيلـمـه

عادل أبن هون

ياوسيع العرف مال البلاو الا الصبر=ذا زمان العولمه ودي انك تفهمه
ياصديق الجحش دام البواخربالبحر=ماوصلت الشط دام الجزيره مظلمه

عبدالباري

أنت عبره عالميه من إكبار العبر=واسطي بين الأمم والشعوب المسلمه
الجحش ماهو بعيره صديقي وأفتخر=لو توطاك الجحش بعده تصير أرخمه

عادل أبن هون

ماني خابربالجحش منفعه غيرالظهر=ياصديقه روضه واكرمه واحزم فمه
ابك انا من شاربي لومعك خمسة عشر=ياعقيدك غير ادربه واسحب محزمه

عبدالباري

الأمير يوسع الصدر ويغض النظر=مايطبح من غصن سدره بغصن اسلمه
مانذمك تأكل الجمر وتخل التمر=تحتم الشاوي وهو بالشعابه بغنمه

عادل أبن هون

احمدالله تاكل الصبح وتنام الظهر =في ذراء من حط سيفه على رمزعلمه
لومشيت من الحليفه الى ابان الحـــمر=قالوا العالم يدور الزبيدي والكمه

عبدالباري

الثنا لله والحمد أله وأله الشكر=يوم رأسك مابقى فيه غير الجمجمه
الحذر مايفك برق الطيور امن القدر=انحدر بالطرش ياشيخ مع واد الرمه

عادل أبن هون

يشبهك ((عطوان))وانته شبيهه بالصور=يالجحش وكد صحيبك دخيلك واوسمه
قبل لايلحق شبيهه ولاعنه خبــــــــــر=من عقب ضرب القنا 0عاد0يكتب بفحمه

الموضوع الأصلي: تنسيق محاورة عبدالباري×وأبن هون | | الكاتب: سعد الفلاح | | المصدر: شبكة بني عبس

[بتاال]

صح لسان الشعار

والله يعطيك العافيه يابو فلاح

مجهود تشكر عليه

تقبل مروري

بتاال

[عبدالباري عبدالعزيز]

شكري وتقديري للخ سعد الفلاح على تنسيق المحاورة بيض الله وجهك أشهد إنك وافي

[الولد العبسي]

بيض الله وجهك يابوفلاح
على التنسيق الرائع والجميل

[سعد الشقل]

بيض الله وجهك يابو فلاح على التنسيق الرائع

وصح اللسان الشعراء

[عادل بن هون]

مشكور وعبدالباري رائع ومحاورته اروع

[بنت العبسي]

الله يسلم يدينك كانت رائعة بالفعل واصبحت اروع

[عادل بن هون]

الروعه انت يابتال