|
خيارات الموضوع |
|
قل لبو نـواف مـا فيهـا عـذار=انتويـنـا بالسنـافـي للمسـيـر كان ابو نايف تحصل لـه مـدار=دوره والا دفعنـا لــه بشـيـر قل لبن عون الوعد تالـي النهـار=بالمثلـث لا يسـج والا يحـيـر اعتجل يـوم الهـوا ذعـذع ودار=اترك الراضه وعـذر فيـه ميـر كان عنـدك بالبنـا تالـي جـدار=اجلـه والعيـد مافيـه اتعمـيـر يم ابوسلطـان عـزم الفكـر دار=يـم غيـره لا تقـول ولا تشيـر خلهن يمشـن مـن الديـره لـدار=المواتر صافيـه والـدرب جيـر مثل ابو سلطان لـه حـق يـزار=جيتـه بالعيـد مظهرهـا كبـيـر سجة عنـده تزيـد بهـا العمـار=يدله الخاطـر ويرتـاح الضميـر في محل كـد جلسنـا بـه مـرار=مدهـل الحكـام والزاعـل عثيـر مجلـس يؤخـذ بعيـن الاعتبـار=صاحبه يا عز من هو له عشيـر دلـة فيهـا مـن الحبشـي بهـار=ومنسف يشبع ضيوفـه والقصيـر نادر له نطحت الموجـب شعـار=فاهـم بالمرجـلـه در غـزيـر مالبس ثـوب الشهامـه مستعـار=وارث طيبه مـن الوجـه السفيـر احمد اللـي لـه تواريـخ قـرار=بالكـرم وبسلـة السيـف الشقيـر انشـد التاريـخ يعطيـك اختبـار=عن تواريـخ السديـري بتعبيـر اقـر ديـوان الخليفـه كـان دار=شف مقاله عنـه بالخـط الاخيـر شف مراكيضه على قـب الهمـار=يوم سفك الـدم غـاد لـه هديـر كان ابو سلطـان همساتـه كبـار=تابع عـود علـى دربـه يسيـر والعلوم كبـار واحلاهـا القصـار=زبدة الموضوع وأحـلاه القصيـر ما بنيـت الملحمـه بيـت جـدار=كود ناسبهـا علـى فعـل شهيـر كان المعروف هالوقـت اشتهـار=السديري مع هـل الجـود خشيـر مابنا السمعه على ملـس العـذار=مابناهـا الا علـى فعـل ثمـيـر انشد اللي سمـع بفعـول الكبـار=نور الاول يقتبـس منـه الاخيـر يوم وقتي عقب ابو زيـد استـدار=اجتبرت بحابـر العظـم الكسيـر شمت اللي فيه خصـلات اخيـار=الذكاوالديـن والعـرض الستيـر لـي بربعتهـم معـزه وافتـخـار=ربعـة الطيـب تنسيـك الحقيـر افهم الطيب الخنيني مـن البخـار=يوم فاح المسـك شميـت العبيـر قالها اللي له بعرف النـاس كـار=يفهم البشر طويـل مـن القصيـر الرجال طيور توصـف للحـرار=كل طيـر فـي جناحينـه يطيـر وين طيـر بحتريلـه كـل جـار=وين طيـر مايصيـد الا الشعيـر لو تقـول ان الشجاعـه بالطيـار=كان فضلنا القطـاه بمـا يصيـر وين طير وان هوى شـق الستـار=وين طير يذعره صوت الصفيـر النداوي له علـى الصيـد اقتـدار=والحمامـه بالمـحـل وتستـديـر وان جهلت الزين والجنس والدمار=انشد اللي فـي معرفتهـن خبيـر اخذلـك منـي كـلام باختصـار=فرق بين الصفوف من سلك الحرير فرق بين الحب وانخـال الشـوار=اصلهن واحد لشك الـذوق غيـر ربعة الطيـب تزيـدك بانتصـار=ترفعك رفع العمـد بيـت نظيـر والردي عرفه مثـل بيـر هيـار=تنقبـر فيهـا ويدفنـك الحقـيـر حقة الطيـب تجيـك مـن الفقـار=والردي يعطيك كرسـوع البعيـر لا ترابـع واحـد بالعهـد بــار=وان وفى له مـره خيـره كثيـر التجـارب خلهـا لـك مستشـار=لا تبي غير التجارب لـك شويـر لا تجـي مدخـل يدينـه بالخبـار=ما لقى صيـدة لقـا داب ضريـر والرجال ابهم فهـد وابهـم حمـار=وانت فكر بالفهـود مـن الحميـر وانت في دورك عليك الـدور دار=لا تحسب انك مخـلا يـا الفقيـر وقـر العالـم وتلقـى لـك وقـار=وان حقر حقرت لـوك ان الاميـر والشرف لا يستـوي فيـه انهيـار=الشرفهو مقضب السيـف الشطيـر والقناعه مرجله والضعـف عـار=واطلب النجده من الوالـي القديـر لا تجـي للنـاس طلباتـك اكثـار=كـل ديـوان تجـي يمـه مغيـر ما خبرنا باهل الشجاعـه تجـار=غير فقره كـل نفـس لـه تعيـر خل عـز النفـس للعـوره ستـار=لو فراشك في طرف بيتك حصيـر وانت للعـودة مـن الله بانتظـار=واحـد مالـه وكيـل ولا مـديـر مـدة الله تمتلـي منهـا النـقـار=تجعـل الغـدران بالملـزم تحيـر يجعل الوادي مريـف بالخضـار=عقب ماهو يابـس قشعـه هشيـر الكريم معـان والفـارس مجـار=مدي الواجـب ونطـاح الذخيـر الغنـا بالـذل مـذمـوم مــرار=والفقيـر بالعـز لامجـادك يثيـر طربة الدنيا مثـل لعـب القمـار=لو جمعت المال شفت تالي المصير لو جمعت من الذهب حمل القطـار=عند نزح الروح ما انتب له دبيـر صار بين الوارثيـن بـلا مثـار=ينعزل حق الكبير مـن الصغيـر وانت حقـك خامـة عشريـن وار=ذيك هي حقـك ولا فيهـا خشيـر فصلوا منها الكفن هـو والـوزار=اقرشوبـك يـم مثـواك الاخيـر واسدحوك بحفرة في وسـط غـار=يطـردك منكـر وقدامـك نكيـر واهني اللي مشي طلـق الشكـار=سالم من ظلم عمر ومـن عميـر لـوه بالدنيـا بحـلات اعـسـار=يرتجي بالاخـره فرحـة نظيـر مـن رحمـة الله وقلبـن العـذار=رحمة الله تغفـر الذنـب الخطيـر والاثيم من الصراط اقرش وعـار=ان سلم من ويل طـاح بزمهريـر الهـي كـان مـا فـي اقـتـدار=التجي في رحمتك وانـت المجيـر الشباب اقفى وانـا باخـر نهـار=وارتجي فزعتك يا نعـم الشويـر للشاعر المرحوم مرشد البذال الرشيدي
|
يتصفح الموضوع حالياً : 1 (0 عضو و 1 ضيف) | |
|
|