[عادل الشويلعي!!]

بسم الله الرحمن الرحيم
السلام عليكم ورحمة الله وبركاته

هذا ردي على الشاعر الكبير عايد شلال

يقول عايد,,,

ياطير والله مايقلبك ديشان = ولاتصير اله ياطير عقبي حلالي
حتى ولو قالو لي الناس كسبان = الفين مدفوعه وراء راس مالي
ماهو قصورن به ولافيه نقصان = صقار يعرف من قديم الليالي
لكن حبك مايقدر بالاثمان = عندي غلاك اغلا من الفين غالي
ياعاذل المفتون غلطان غلطان = لوانت مثلي ماحسبت الريالي
ماتل قلبك بالولع فرخ شيهان = خلاك تنسى المال هووالعيالي
طيري على كفي ووقت الهدد حان = وراعي العذل والنقد ماله ومالي

..............................

وهذا ردي

ياواصلن حبه الى حد الادمان = يامنسكب لي سلسبيلن زلالي
عليك ارص العلم لاصرت بلشان = حثن عادتك شموخ وعلالي
خل المعاني ترقص لعذب الوزان = من نبع فكرن مايجيب الهزالي
نبغى نجاري بالشعر طير حوران = عايد ولد شلال ريف الرجالي
يقول قلبه علقه فرخ شيهان = راعي ولع في حب طيره يغالي
وانا مالومك لو تصل حد الاجنان = راعي الولع معذور في كل حالي
تحب طيرك حب مخلص وقنعان = وفي حب طيرك ماتريد الجدالي
مثلي على غرون يماري بالاوجان = حبه شبك قلبي وضيق مجالي
من بعد حبه صرت اعمى باللوان = عقبه فقدت الذوق وانسم حالي
كسبت من حبه تناهيت وحزان = وخلاني احب السهر بنعزالي
ماكن الي مع ساير الخلق صدقان = كني خلقت بمعزلن قفر خالي
قفرن تعوذ منه مسلم وشيطان = حتى الجنون اطق منه الجفالي
جون غريب وللعششاشيق مسكان = يهيم ابه فكر العنى بجتوالي
فيه الفكر ينزله الطيف هتان = واتبع خيالي لين اصدق خيالي
والله يابن شلال حالي بنقصان = في كل يوم يزيد ياطول بالي
لولاي اقاسي بالصبر حب تحنان = كان اعتلا عقلي سفوح الهبالي
لاوهنيك حبك بفرخ شيهان = قريب في يدك يحط ويشالي
ماهو بمثلي من وراء الفين قبضان = ومن فوق هذا محتمينه رجالي

وسلامتكم

الموضوع الأصلي: رديه | | الكاتب: عادل الشويلعي!! | | المصدر: شبكة بني عبس

[آهــذريــبــك]

رديـه جزله

صح لسان الشاعر عـايـد شلال

ولاهنت أنت أخي عـادل على الرد وصح لسانك ..

[ملح وقبله]

صـــــــح الـــــســــانك عايد شلال

مشكوووووور والله يعطيك الف عافيه على الطرح الرائع

[عادل الشويلعي!!]

اهذريبك
صح بدنك ولاهنت على المرور الطيب

[عادل الشويلعي!!]

ملح وقبله
مرور طيب

[ابن صقعان]

صح لسانك ولاهنت اخوي

[عايد2001]

صح لسانك ولسان الشاعر عايد شلال
وبيض الله وجيهكم

[عيد الداموك]

لاوهـنـيـك حـبــك بـفــرخ شـيـهــان
قـريـب فــي يــدك يـحــط ويـشـالـي
ماهو بمثلي من وراء الفين قبضان
ومـن فـوق هــذا محتميـنـه رجـالـي



عادل الشويلعي صح لسانك انت وعايد شلال