[مرشد الصقعان]

قصيده القيتها على زواج الشاب /عبدالله والذي دعاني عليه
الشيخ الشاعر/ضلعان دخيل ابن باني. ولأنه عزيز علي لبيت دعوته وقلت هذه الابيات البسيطه:


من حرة الحره الياضلع أبانات=مشيت والمقصد معزه وتشريف
معزتن لمقدرين الصداقات=اعيال ابن باني هل العز والسيف
اعيال عمي ذابحين السمينات=أشهد ويشهد راعي الحق والضيف
عاداتهم كسب الوفاء والبطولات=علمن وكاد ولايجي فيه تزييف
اليا دعوني ماحسبت المسافات=اعيال مضبر محتمين المواقيف
وفي حفل عبدالله بدعت الثمينات=مثايلن لهل النقا واهل الكيف
واللي دعاني طيب العرف والذات=خوي والله مبعدين المناكيف
الشيخ ابو عيسى زبون المهمات=معروف مايحتاج للقرم تعريف
ياساس عودن حي ذكره ولامات=عند الرجال الطيبين العواريف
واختامها مني سلام وتحيات=من شاعرن ماحرف القاف تحريف

الموضوع الأصلي: قصيده بمناسبة زواج الشاب/عبدالله بن دخيل ابن باني الرشيدي | | الكاتب: مرشد الصقعان | | المصدر: شبكة بني عبس

[سـعود المضيـبري]

الله يعطيك العااافيه اخوووي

[مرشد الصقعان]

شكرا اخوي سعو د على المرور