[ناصر الوبران]

بسم الله الحمن الرحيم

السلام عليكم ورحمة الله وبركاته

اسمعي والكل منا له هواه وله ميوله
لاتمسين بكلامك شعره بروس القرايب



ان حكيتي ما وفيت وان تحديتي عجوله
تحسبين ان كل فعل ٍ تفعله يمناك صايب



تحسبين انك خذيتي بالحش صولة وجولة
تحسبين اني ذكرتك مع نسانيس الهبايب



والله انك لو ذبحتي خافقي لألقاك حوله
عاشقة تشقي بقلب من طريق العشق هايب



كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب



ادعيت انك خجولة وادري ان ما انتي خجولة
وادري انك تخجلين الشمس من فوق السحايب



مايحببني بقلبك ياالهنوف الا فضوله
ولا ينسيني غرامك غير تكرار المصايب



عاشقة جيتي ورحتي يالحبيبه يالعذوله
لابنيتي لي طموح ولا تركتيها خرايب



تستبيحين القلوب وتستحقين البطولة
واستحق اعيش بعدك تايب واموت تايب



ياكثر ماشال قلبي شي اكبر من حموله
ولا عفيتي عن غلاه ولابخل لك بالوهايب



كنه ارحم من همال المزن للزهر بذبوله
وانتي اقسى من هجير القيظ وسموم اللهايب



وانتي ادرى في غلاك بداخلي ش اللي يزوله
وادخلي على الله واحفظي ذيك السبايب



ماخبرت اللحظة اللي حللت قربك تحوله
ولا هقيت اني بشدد للجفا قلب وركايب



ولاهقيت انك تحبين الزلل وانتي جفوله
ولاهقيتك تكرهيني كثر حبك للطلايب



كن قلبي في وصالك وابل ٍلحظة نزوله
وفي فراقك مثل دمعة تنحدر من عين شايب



كنت ابي وقفت حبيبه تنهض القلب بخموله
طامح بالعشق وانتي عايبه والحظ عايب



كنت ابيع الكون واشتري خافقك وظلال زوله
كنت اثور اليا وطيتي بالقدم شهب الترايب



كنت قصن كل كفي غير كفك مايطوله
كنت قلب ودمعتين ودرب وجروح عطايب



كنت ابيع العمر كله ورخصه عرضه وطوله
للعيون الي هدبها ثامن السبع العجايب



بس ابرضي لك غرورك واكسر القلب بذهوله
وقتها ماكنت افكر صايب او كنت خايب



والرجل لو ماتحلى بالشهامه والرجولة
صدقيني صعب يقدر يملك قلوب الحبايب



صدقيني مايوالف خافق البنت بسهوله
بالهوى يابنت حواء غير طلاب النشايب



والسهر والعشق الاول والهوى واللي ينوله
شي اقسى من همومك والعنه حاضر وغايب



والهموم اللي دعتني من بعد سن الطفولة
كلها ( من تحت راس العشق ) ملعون الصلايب


الشاعر : حامد زيد العازمي

الموضوع الأصلي: قصيدة ثامن السبع العجائب | | الكاتب: ناصر الوبران | | المصدر: شبكة بني عبس

[رسام]

شكــرا على الذوق الحلــو وصح لســان شــاعرهـا

[ثامر بني عبس]

الشكرك وصح السان شاعره

[ثامر بني عبس]

وتسلام يمينك يلاوبران

[ثامر بني عبس]

يعطيك العافيه على هالشعر الذووق الي جايبه
صح لسان شاعرها ولسانك ...........

[ناصر عبدالله]

شكــرا على الذوق الحلــو وصح لســان شــاعرهـا

[عبدالله بن عدله]

السلام عليكم ورحمة الله وبركاته
صح لسانك على الابيات الجميله

[عبدالله بن عدله]

الورده الي نوينا قطفها طالت ومالت

ومه ما يطول الزمن ماضن نقطفها

من اولنا كنت اعدلها اذا مالت

واليوم تبخل علينا في عواطفها

الشاعر : احمد ابن عدله العويمري