[الشاطئ المهجور]

شفني بقايا حبر منثور بكتاب
في صفحه الأحزان كل(ن) قراني
/
\
سجلت لك موعد لقاء بين الأهداب
بروي عيوني يوم طيفك جفاني
/
\
شمس الهجر تشرق ونور الوصل غاب
وضيعت بالوجهه سهيل اليماني
/
\
نظرات عينك كنها الشمس تنساب
تصهر جليد الشعر داخل كياني
/
\
كن القصايد فيك قبله ومحراب
آجذب من الخفاق جذب السواني
/
\
القلب بيت وصارت اضلوعي اطناب
تربعي بالعرش وسط المحاني
/
\
تستوطن الأشواق بعيون الأغراب
وسافر بذاتي وآنا في مكاني
/
\
ترحل ويبقى طيف ذكراك مرتاب
وتضيق في سطح المدينه مباني
/
\
اغتيلت البسمه على راس مرقاب
وعلقت للفرحه مع الحزن عاني
/
\
بذرت حرفي من طواريك بكتاب
لين ازهرت كل القصايد عشاني
/
\
لكن شموخي ماتعثر بالأعجاب
باقي على خبرك ولو قلت آناني
/
\
باب الغلا مقفول لاتفتح الباب
آخاف تلقى ساكن القلب ثاني

منقول

الموضوع الأصلي: كن القصايد فيك قبله ومحراب | | الكاتب: الشاطئ المهجور | | المصدر: شبكة بني عبس

[هدهد الشرق]

دوم مبدع يالغالي
صح لسانك واعتلى شانك
دمت لنا ودام عطاءك
ربي يحرسك وياقاك من كل شر

[المشعل]

صح ذوقك واختيارك وصح السان شاعرها. أبيات رأفت لي .. سلمت على الاختيار الرائع ولاهنت

[المشعل]

صح ذوقك واختيارك وصح السان شاعرها. أبيات راقت لي .. سلمت على الاختيار الرائع ولاهنت

[الشاطئ المهجور]

اشكرك الجميع على المرور العذب

تحيتي لكم جميع

[خوي الذياب]

بارك الله جهودك وبالتوفيق