[ناصر الشويلعي]

بسم الله الرحمن الرحيم

قصيدة إهداء للشيخ / زيد ابن دخيل الفهيد العوني الرشيدي

يامسافر(ن)من بريده فوق جيب(ن)جديد=اللي سـبيره ماطـب الارض فوق ظهره



شـاص(ن)اليا زادت الطرقه بعزمه يزيد=كن المســـافات يــرسمها على المسطره



مـنوة غريب(ن) دياره عن ديـاره بـعـيـد=ختم البريـمي عـليــه يعـيش مـن صدره



ياسـايـقه لاوصـلت العـاصـمـه لاتـحـيــد=وصل رساله معـك بالـكـــادي مـعــطره



بلـغ ســلامي لـزيـــد ابـن دخــيل الـفهـيد=العــوني اللـي بـطيـبه كـل رجـل ذكـره



شيخ(ن) فعوله كثـير النـاس فـيها يــشيـد=لامـر طـاريــه كل(ن) يـمـدح ويشكره



مـقـدام ربـعـه تـفـاخـربه قـبـايـل رشـيـد=والـرجل من معــدنه والعلم من مصدره



ياسـيـف عـبـس المسمى مثل سيف الوليد=عـز الخوي والعدو سيف(ن) تـفج نحره



انته حـزام الظهـر وانت الحزام الجـويـد=ياسـعـد وقـت اللـزوم اللي حـزام ظهـره



وانته عـضيدي وانا كـلي فخـر بالعضيـد=اللـي يـمينـه عـن الـمـاجـوب مايقـصره



يا زيد رجل(ن)مثل شرواك عرفه رصيد=والـمـعـرفه مـاكسبها اللي قصير نـظـره



والناس فـيها شقـي والنـاس فــيها سـعـيـد=ولايحصد الزرع غير اللي تعب وبذره



ولايـفك صلـب الحديـد ألا قـوي الحـديــد=وصلني الـغـبة اللي وسـطها الـجوهـره



حـرارة الشـمـس لابانـت يمـيع الجـلـيـــد=والمـزن يروى الـديار ليـا ستهـل مطره



والـيوم جـاتك عـلومي في بيوت الـقصيد=وشعر(ن) ماهوفيك يالعوني مافيه ثـمره



وخـتامـهـا نطـلب الله فـي نهـار الـوعيـد=يارب أنـا طـالبـك بالعـفـو والـمغـفره

الشاعر / ناصر صويان الشويلعي الرشيدي

الموضوع الأصلي: الشيخ زيد بن دخيل الفهيد العوني الرشيدي | | الكاتب: ناصر الشويلعي | | المصدر: شبكة بني عبس

[سعد بن عادي]

الله الله الله
صح لسانك شاعرنا الكبير أبو خالد
شاعر يطربني و يعجبني قصيده جداَ
والممدوح يستاهل المدح وهالجزلة تشفع لك عن غيابك .
ودمتم كما تحبون

[ناصر الشويلعي]

صح بدنك اخوي ابو عادي
وانا معكم قلب ٍ وقالب ٍ

لكن نسق القصيده عيت تضبط معي

[سعد بن عادي]

أبشر يا ابو خالد ..

ومر على العمدة ترى بس يسأل عنك ماكله الخلا بدونك ههههههههههههه

[ناصر الشويلعي]

كبر الخط اخوك لاحقه الكبر مايشوف زين

[ناصر الشويلعي]

كبر الخط اخوك لاحقه الكبر مايشوف زين

[عويض بن شامان بن خلف]

صح لسانك يابوخالد قصيده جزله من رجل جزل
لله درك مبدع
ويستاهل زيدبن دخيل ونعم

[بادي الرجم]

والناس فـيها شقـي والنـاس فــيها سـعـيـد=ولايحصد الزرع غير اللي تعب وبذره
ولايـفك صلـب الحديـد ألا قـوي الحـديــد=وصلني الـغـبة اللي وسـطها الـجوهـره

صح لسانك ياناصر الشويلعي ويستاهل الممدوح هذا الثناء وأنت كفوو وتاصل بالسلامه هههههه