[على الصامت]

Quote=على الصامت;2309113]مادري عن التسيق لكن البادي جدي وابياته بالون الاحمر ^^ مصفي المرح مع الجمل

مصفي المرح

كان به شاعر عليه القول ثنيت التحيه = ياسلام الله سلاماْ تشمل الحاضر حدوده
كلما عديت مرقاب الهنوف الغشمريه = مالقيت الي يهوم النفس ويدور صعوده

الجمل

انت شايب مير ماشفنا ترى مثله وزيه=مرحبا يالحاضرين وبيضها ماهي بسوده
انت عينك ماتشوف وشرهتك شرهه قويه=جاك شوق الي مورد وردتينه في خدوده

مصفي المرح

ياجمل يالي لاشاف الحمل يبلشنا رغيه = كيف لواني مع الطرقه عليه الحمل ازوده
غيرك اسمك دام هذا الجهد واعزومك رديه = بدله بالي يشيل الحمل مايرخي عضوده

الجمل

الجمل فالدرب لا ينكبك نكبه عالميه=ويتساوى عودك وعود الثمامه في نفوده
انت كيدك كيد والنيه ملحقها بنيه=مير انا مقدر عليه وكل رجال وجهوده

مصفي المرح

انت ركبي لاهدرت يرسنونك بالاغية = حزتن فيها فحول الذود بالذود مهدوده
مير اباسوقك وعقلك من ورى هضبة طميه = الجمال الي عليها القول بالعد معدوده

الجمل

ايه تركب في سنامه واليالي سرمديه=مير لا تجحد جميله واكثر العالم جحوده
مير اشوف ان العلابي فوقها ياكم كيه=اثرني محرق كبود اهل المنافق والحقوده

مصفي المرح

انت لوتبرك ننخك مثل مانخ المطيه = ياجمل هذا انت ماجت لك من العود معقوده
والله اني مانويتك باللعانه والخطيه = شايباً يرجي من الله عفوه وجنة خلوده

الجمل

انت راعي طيبه والطيبه ماهي رديه=اقضبو راس الجمل ثم وردوله في عدوده
السمينه منكم تسوى رباعه والثنيه=مير قلطها مدام السيف شايفها محموده

مصفي المرح

الجمل يارد على عدا الروى خلفه شويه = انت وده له وعينه في صدور مع وروده
انت اضنك ماتعرف الا تصب الشاذليه = لوعطيتك هيلها والبن ماتعرف قنوده

الجمل

راس ذيب وراس جن وسم داب وسم حيه=ان عرفها صاحبي يعرف نزوله من صعوده
ماش ياهرمز مضيق ولا لقينا فيك عيه=غير هندين رطنها ثم ضحكو له هنوده

مصفي المرح

خبطت معه المكينه جعل ماذنبه عليه = اختلط زيته وماه وعضت اسبكته عموده
الله يسمح طريقك شوف الك برحه خليه = هيض اهجوسك وميدان النشاما لاتعوده

الموضوع الأصلي: محاورة جدي (مصفي المرح ) مع الجمل .. | | الكاتب: على الصامت | | المصدر: شبكة بني عبس

[أخـو جـزعـة]

والله يا على الصامت كل شاعر من اللي ذكرت افه الله يخارجنا منهم

صح الله السنتهم عمالقه حتى شتايمهم بصوره جوهريه هههههههه


تسلم يمناك على التنسيق

[مصفي المرح]

لرفع ............................................

[مصفي المرح]

من عين الجمل عقب هالطاروق ماعاد شفناه الماخوذ