[ذيبان الرشيدي]

.
.
.

يالهاجس اللي .. لوذحت فيه عرقا =واستلكعت .. فيك الجروح السطيه
كم غربتبك.. والمداهيل شرقـا =قشر الظروف .. الممحلات الخليه
ياهاجسي .. سوق البعارين فرقـا =والعن .. ظروف أيامك العنجهيه
هج الذلول .. اللي من العيس زرقا = واقهد .. دكاك دروبك الجرهديه
علك .. تجاوب باللحن صوت ورقا = عَست .. جميع اجروحك الداخليه
على الذي .. كب المعاليق حرقـا = واستاق .. عثرات الردى والخطيه
صد ودرقني .. بأسود الصد درقا =وأخلف .. موازين القلوب الرضيه
وأرسل .. مع ريح المفاريق فرقا = حتت .. جميع ابوابك الخارجيه
حتى .. انسرق نومك من العين سرقا = وأقفت تذارف .. ذرفت الهاشميه
والناس حولك .. تكرم العين غرقا = ترقد .. ليال همومك السامريه
همك غدابك .. والملمات خرقا = وأضحيت .. ضايع ناطح المهمهيه
ولاصار خلك .. ماطرق فيك طرقا =ولا للرسالة .. عندهم قابليـه
خله على .. ضلع المفاريق يرقـا =وعل الهنـاء .. بأيامـه المقبليـه

.
.
.

الموضوع الأصلي: يـاهـــآآجسي .. ســــووق البعارين فرقـــآ ...~ | | الكاتب: ذيبان الرشيدي | | المصدر: شبكة بني عبس

[فضي البراك]

هج الذلول .. اللي من العيس زرقا=واقهد .. دكاك دروبك الجرهديه

الله عليك ،،،

لي عوده لهالإبداع

[المشعل]

رائع ذيبان ..
إبداع كالعاده ..
قصيدة جزله وراقت لي ..
صح السانك واعتلا شانك ..
ولاهنت ..

[سعدعايض]

صح السانك واعتلا شانك ..
ولاهنت ..

[أنكسارحلم]

قصيده اكثر من رائعه

[طلال الخياري]

صحح منطقوكك ..
قصيدهه اكثر من رائعهه ..

[منصور بن صبح]

ذيبان صح لسانك

قصيده لايكتبها إلى شاعر مبدع

أشكرك

[ذيبان الرشيدي]

اقتباس من مشاركة فضي البراك هج الذلول .. اللي من العيس زرقا=واقهد .. دكاك دروبك الجرهديه الله عليك ،،، لي عوده لهالإبداع

حيا الله
أبن براك ..
وحي فاله .. وريح فنجاله ..
مروورك .. في موضع تقدير وتشريف ..
لاخلا .. ولاعدم من هـ الطله الحلوه ..
دمت
بحفظه وأمانه