[عواض بن بهلان]

بسم الله الرحمن الرحيم
السلام عليكم ورحمة الله وبركاته
اقدم لكم هذي القصيده
وامل ان تنال عجابكم

سلطان هذا الوقت بالـوان وشكـال=اذهنـك بالوانـه وبشكالـه اذهنـك
هذا زمـان الدسدسـه واهـل المـال=واهل ارمـاح الـي بعلبـاك تطعنـك
ان كان ماعنـدك مصالـح ولاريـال=مافيك خيـر ولاحـدن باغيـن منـك
لوكنت رجالـن عـن الفيـن رجـال=تقوم تجلس ماحـدن داريـن عنـك
قلة علـوم المرجلـه والعـدل مـال=وقل الشجاع الي مـن الهـم يزبنـك
صارت بكشخت ثوب وشماخ وعقـال=ومهايطـه والله يـرجـك ويلعـنـك
تغيرت عـادات وسلـوم واحـوال=ياعنك لاعنهـا ولاعنـك يـا عنـك
المهزلـه يابـوك حالـن ورا حـال=هذي عن يسارك وهذي عن ايمنـك
لاتلتفـت للفـلان بفـلان وش قـال=الي حفـر للفـلان يحفـر ويدفنـك
ولاتنزل الوادي تري السيـل لاسـال=يخلي علـوك يسلـم علـى اطمنـك
ولاتشتكي سرك علـى النـاس لاطـال=والصبر زين وفـي حلوتـه اراهنـك
خل الردى فوق الثرى تحت الانعـال=والطيب خله في ضميـرك ومسكنـك
وان ضاق صدرك واشغل القلب والبال=ادخل على الخالق ماغيـره يطمنـك
يابوك شفت الوان بالوقـت واشكـال=واذهنـك بالوانـه وبشكالـه اذهنـك

الموضوع الأصلي: زمان الدسدسه | | الكاتب: عواض بن بهلان | | المصدر: شبكة بني عبس

[ابو ريان الرشيدي]

صح السانك
هذا الوقع
في هالزمن

يعطيك العافيه

[المتواضع1399]

صح السانك وبيض الله وجهك

[ملفي العجرمي]

اقتباس من مشاركة عواض بن بهلان هذا زمـان الدسدسـه واهـل المـال=واهل ارمـاح الـي بعلبـاك تطعنـك ان كان ماعنـدك مصالـح ولاريـال=مافيك خيـر ولاحـدن باغيـن منـك لوكنت رجالـن عـن الفيـن رجـال=تقوم تجلس ماحـدن داريـن عنـك قلة علـوم المرجلـه والعـدل مـال=وقل الشجاع الي مـن الهـم يزبنـك صارت بكشخت ثوب وشماخ وعقـال=ومهايطـه والله يـرجـك ويلعـنـك تغيرت عـادات وسلـوم واحـوال=ياعنك لاعنهـا ولاعنـك يـا عنـك

الشاعر عواض صح السان وبيضالله وجهك على هذه
القصيدة الجزلة
تفبل مني أزكى تحية