[فضي البراك]

من جديد السلسبيل الرائع/ ثامر شبيب

قصيدة والتي لايقوى على قولها إلا من نقت نفسه .. ونبت الطيبُ والإنسانية فيها فطرة ..

جمالُ منظرٍ .. وصفاء مخبرٍ .. عكسته لنا حروفه .. التي لامست قلوبنا قبل أسماعنا وأعيننا

أخايلك يابرقٍ تكاشف ورى الضلعان=عسى يلمس الضامي على القاع لك جرّه
تساق البشاير في قدومك على العربان=بعد ما كواهم لاهب القيض من حرّه
وأنا حرتي ماهي مثل حرة الضميان=عروق الجسد من ضيقة الصدر محترّه
عليه العوض قلب تعلق مع البدوان=عوايد غلاهم ياخذ القلب بالمرّه
ألا وآهني الطير لا طار بالجنحان=ترك ماكره للريح في خيره وشرّه
حرار الرجال تموت ماتقبل الحقران=يغيض العدو موتي ولا عيشه تسرّه
تحريت للفزعه وأنا ضايق وتعبان=ولا شفت موقف يشفي كبود منضرّه
عن عيون خلق الله عجزت أستر النقصان=وأنا خابر أنه منكشف للعرب سرّه
ومع كل هذا قلت ما قصّر كحيلان=رفعته ولكن المواقيف تتشرّه
على وين رحتي يالقصايد مع القيفان=وأنا كنت بنحتها على كف مغترّه
هذيك الجفول اللي على شوفها ولهان=من أسفل قدمها موت للعنق للغرّه
أنا ماذبحني كود بنت مع البدوان=تبعها ولع قلبي ولا عاد بالمرّه

الموضوع الأصلي: أنا خابر أنه منكشف للعرب سره | | الكاتب: فضي البراك | | المصدر: شبكة بني عبس

[ناصر الرشيدي]

صح لسان ابو شبيب
ونعم الرجل يشهد الله
امتلك الاخلاق والشعر ربي يعطيه طولة العمر ويحفظه

شكراً فضي على هذا النقل الانيق

[حنان الرشيدي]

ثامر شبيب .. حكاية إبداع متميزة لا شبيه لها ..
:
صح لسان شاعرنا الراقي ..
و ألف شكر لك يا فضي .

[فضي البراك]

اقتباس من مشاركة ناصر الرشيدي صح لسان ابو شبيب ونعم الرجل يشهد الله امتلك الاخلاق والشعر ربي يعطيه طولة العمر ويحفظه شكراً فضي على هذا النقل الانيق

ماعليك زود يابو سيف

ولا شكر على واجب

[فضي البراك]

اقتباس من مشاركة حنان الرشيدي ثامر شبيب .. حكاية إبداع متميزة لا شبيه لها .. : صح لسان شاعرنا الراقي .. و ألف شكر لك يا فضي .

الرقي مرورك

ولا شكر على واجب

[محمد الدغباسي]

الله عليك ياابو فيصل اعرف وش تختار من قصيد ثامر ودايم يعجبني اختيارك

من ابداعات ابو شبيب ونقل ابو فيصل من احلى المواضيع واحلى تقييم

تحياتي ياابو فيصل

[ذرا عبس]

صح لسان ثامر مشكوور على الطرح يالامير لاهنت

[الرائع العبسي]

الله الله على الشاعر ويسلم ذوقك يا أبو فيصل