[سعد الشقل]

السلام عليكم ورحمة الله وبركاته


أقدم لكم قصيده الشاعر..// ناصر عياضه الرشيدي

يـا جاهـل فينـا تسمـع للأخبـار = تسمـع علـوم الطيـب والطيبينـا
حنا بنـي رشيـد بالعـز والكـار = بديـارنـا وحـدودنــا بينـيـنـا
ندرا الخوي ونكرم الضيف والجار = ونصبر على البلـوى ليامـن بلينـا
ودخيلنا حنا بعيـد(ن) عـن النـار = كلـن يهيبـه مـن سواعـد يدينـا
حنا سلايل عبس ماضيـن الأذكـار = لسلومـنـا وجـدودنـا حافظيـنـا
من عبس بن بغيض في قر وقـرار = وحفاد ريـث مـن قديـم السنينـا
أحفاد غطفان وسعد ماضي الأخبار = من قيس بـن عيـلان منـا وفينـا
وابن مضر هو ساسنا وابـن نـزار = مـن سلسلـة عدنـان متسلسليـنـا
احدودنـا وجدودنـا مابهـا انكـار = لحـدودنـا وجـدودنـا عارفيـنـا
يحدنـا خيبـر علـى حـرة النـار = ويردنـا سـور المديـنـة يميـنـا
وادي الرمة ناخذ به يميـن ويسـار = على العلـم والضعـن والشعبتينـا
ولنـا ببانـات المطـلات معـبـار = أربوعنـا لحـدودهـن محتميـنـا
ذي دارنا اللـي مانبـا غيرهـا دار = اديـار أهلنـا القـديـم الأوليـنـا
للخيـر فعالـه وللـشـر قـهـار = وايضا على هـدى النبـي مهتدينـا

الموضوع الأصلي: ناصر عياضه الرشيدي | | الكاتب: سعد الشقل | | المصدر: شبكة بني عبس

[مرزوق العجوني]

صح لسان ابو عمر ولا هنت اخوي سعد على نقلها لنا

[بنت العبسي]

اقتباس من مشاركة سعد الشقل السلام عليكم ورحمة الله وبركاته أقدم لكم قصيده الشاعر..// ناصر عياضه الرشيدي حنا سلايل عبس ماضيـن الأذكـار = لسلومـنـا وجـدودنـا حافظيـنـا

وعليكم السلام ورحمة الله وبركاتة

قصيدة رائعة صح لسان قايلها وسلمت يد ناقلها

[سعد الشقل]

مرزوق العجوني .. بنت العبسي

أشكر لكم مروركم الكريم ..//

[بنت أمير]

صح لسانك قصيدة جميلة لشاعر مبدع

[سعد الشقل]

صح بدنكـ

لاهنتي على المرور الكريم..//

[ابو براك الرياض]

الله يعطيك الغافيه

[سعد الشقل]

الله يعافيكـ

اشكر لك مرورك الكريم..//