[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الحجازي والشاعر ناصر خنيفر

الحجازي

سلام الله بردة وفا للأهل المواجيـب=عدد ما لاح برق السحاب مع الغداري
ألا يا ناصر خنيفر أقبل كنك الذيـب=نبي ناخذ علومك جديدات الأثاري

ابوتركي

هلابك مثل درن جلب من شمخ النيب=تدوج وسط عشبن جمع كل المواري
حضرنا مالناعن هل الطولات تجنيب=وعلومي طيبه وانت بالاخبار داري

الحجازي

ألا يا كبر طمعتك يا حصان الأطاليب=أثرك من الشجاعه تطبح ما تداري
تبى الديرة وهذي على كبدك مناسيب=هذا لاصار رجل الحدود إنسان غاري

ابوتركي

ابا ارفع روس ناس ٍ ماتاصل للمعازيب=وبا صل ماوصله العتيبي والمطاري
مشكتكم ماتخلص ويعلم عالـم الغيـب=فلالي من وراء هالخبر غير انتصاري

الحجازي

مادام إنك توهقت خذ شلفـا تراحيـب=اخذها من يمين على اللطمات ضاري
تبى تقبل بشرط فرض جساس يا كليب=تبي تقبل بها بالرضى وألا جباري

ابوتركي

حسبت العلم يم الرجال اهل المناصيب=رجال بكل ديره يبوجون الصحاري
واثرك قريبن حول ختمي والمكاتيـب=تهون السالفه وسر ياذيب المساري

الحجازي

ترى معاد لك في السرية رقم ترتيب=تحول دامنا في روايات البخاري
أعرف الداب ما يالد ألا مثله دويب=وعندي لأهل الشر عبرود السواري

ابوتركي

اذا الموضوع في كيفكم شقيتم الجيـب=ولكن دون ختمي رهيفات الشباري
على الموضوع هذا يجاب الطفل ويشيب=ماحصلتم سوى الحكي وعلوم الهذاري

الحجازي

أبى أعمم على كل ربعي والأجانيـب=وأحط اسمك وصورتك في كل الحواري
وهذي للمصخن تداوي الجرح ويطيب=ولن ماطاب جعله حداري في حداري

ابوتركي

تعمم ماتعمم ماحصلتم مكاسيـب=قبل تعميمك العام تعلن بالطواري
وصدرتم مثل من تمردغ بالمغاريب=ولا حشمتم ياغر العنا ويا المزاري

الحجازي

ألا يا شين بعض الأسامي يا الأصاحيب=أثر بعض الأسامي على جرفً هياري
ترى من يرفس الخير في عوج العراقيب=يروح يسف مما تجمع في المذاري

ابوتركي

عليـه مـن حزامـي بعـد ماجنـب الطـيـب=لاحده لين يصدم بصبات الكباري
ماشفنـا خيـر غيـر العلـوم اللـي بهاريـب=وهاذي عادت اللي ماهو لطيب ضاري

الموضوع الأصلي: الحجازي + العمده | | الكاتب: العالم الفلكي | | المصدر: شبكة بني عبس

[ناصر خنيفر]

العالم الفلكي مشكور ويشهد الله انك كفو للاشراف يابعد حزب النصر من الجندي الى القايد ههههههههههه

[فلاح الرشيدي]

مشكور على التنسيق الرائع يالغالي
لك ودي وتقديري

[العالم الفلكي]

اقتباس من مشاركة ناصر خنيفر العالم الفلكي مشكور ويشهد الله انك كفو للاشراف يابعد حزب النصر من الجندي الى القايد ههههههههههه

هههههههههههه

ماعليك زود يابوتركي ومشكور على المرور

[العالم الفلكي]

اقتباس من مشاركة فلاح الفلاح مشكور على التنسيق الرائع يالغالي لك ودي وتقديري

مشكور على المرور

[الحجازي]

مشكور أخوي العالم الفلكي على تنسيق المحاورة مشرف تستحق الإشادة الله يعطيك العافية

[العالم الفلكي]

اقتباس من مشاركة الحجازي مشكور أخوي العالم الفلكي على تنسيق المحاورة مشرف تستحق الإشادة الله يعطيك العافية

الله يعافيك ومشكور على المرور

[بندر بن صبح]

صح لسان الحجازي

صح لسان العمدة

محاورة رائعه تحمل معنى

مشكور يالمشرف على التنسيق