[رشيد]

كل لابسٍ بزّه !!

الما.. ركد، والجريد الغض ما هزّه

نسايمٍ.. والزمن لا جا ولا راحي
.
جمحت يا مهر حظي.. وأثر بك فزّه

ما طوّلت كلها.. غاره ومشواحي
.
لو كنت رمحٍ بكفي كان باهزّه

لا شك من هو عليه أهوش بسلاحي
.
لو كنت بيرق عقيدٍ.. وين أبا ارزّه

وأطول طويلٍ أشوفه هضبة جراحي
.
يا سيد الناس شمسك مالها حزّه

تعبت أماري بشمعي وضي مصباحي
.
كم واحدٍ مرّ.. وقال ( عيوني تخزّه )!

هو ما درى إني عمى عن قاصر أشباحي؟
.
أنا عيوني تتل النجم.. وتكزّه!

عن حارك الفلك هذي عادة رماحي
.
ما لوم حظي.. تعب من كثر ما دزّه

لو هو لغيري نساه الهم وارتاحي!
.
.
.

الأمير بدر بن عبدالمحسن

الموضوع الأصلي: جديد البدر.. ( كل لابسٍ بزّه !! ) | | الكاتب: رشيد | | المصدر: شبكة بني عبس

[وسام عبس]

صح لسانك لاعدمناك

نص شامخ بشموخ شاعريتك

كل الشكر لسموك

[رشيد]

المعذره النص قديم وليس جديد

0

شاكر لكم وممنون
-
صح لسان البدر ولاهنتم احبتي

[نوماس5]

صح لسأأأأأأأأأأأأأأأأأأأأأأأأأأأأأأأأأأأأأأأأنكــــــ ـــــــ
يسلمووو
علي النقلـــــــــــــــــــــــــــــــــ المميــــــــــــــــــــــز



تقل تحياتي