[عبد العزيز]

أعجبتني ونقلتها لكم من أحد المنتديات

الله من همن يطوف الحشا طوف .. يعصر مكامنها ويحرق ورقها

عجزت اساير علتأ داخل الجوف .. علة لساني لو عجز ما نطقها

المشكله لا صرت بالصبر معروف .. والنفس قامت تشتكي من زهقها

هرج الملامه يلحق الطيب الخوف .. لو كان مابه طرقتأ ما طرقها

وان قامت الضيقه تحوف الولد حوف .. ان كان طيب نفس يخفي حمقها

والعين ماهي مدرج لكل مذروف .. من قبل لا تسبق خدوده سبقها

الرجل لو ما تبعد عيونه الشوف .. عزي لحالته غايته ما لحقــها

وانتي ترى سبب علتي يا نوف .. لحقت نفسي معك لاخر رمقها

ماني وانا نايف على الشين مكلوف .. اعطيك روحي لا بغيت تخنقها

يا كم على بابك وقفنا لك وقوف .. ورجولي الثنتين يقطر عرقها

كم قلت لك في صاحبك يالغضي رووف .. النفس ماهي لك للي خلقها

لكن ابى اقطف لك من الشعر مقطوف .. وانت تخير عقدها من حلقها

وبحط في صدري لك دروج ورفوف .. فيها سوالف نوف واللي عشقها

محفوظتأ ولها مواثيق وحلوف .. ما صانها اللي لحيته ما حلقها

الموضوع الأصلي: الله من همن | | الكاتب: عبد العزيز | | المصدر: شبكة بني عبس

[سعد بن عادي]

صح لسانك وبيض الله وجهك

[أبو فايز العويمري]

الاخ مشرف منتدى الصحه عبدالعزيز عائض اشكرك جزيل الشكر على نقل هالقصيده الرائعه

[مساعد]

صح لسان شاعرها وما قصر ناقلها

وبيض الله وجهك

ولاهنت على هالنقل

وتقبل تحياااااااااااتي

[مرزوق العجوني]

صح لسان قايلها وسلمت يمينك ياعبدالعزيز على نقلها لنا ولا هنت

[عبد العزيز]

اقتباس من مشاركة سعد بن عادي صح لسانك وبيض الله وجهك

صحت ابدانك وصح لسان شاعرها اسعدني مرورك

[عبد العزيز]

اقتباس من مشاركة أبو فايز العويمري الاخ مشرف منتدى الصحه عبدالعزيز عائض اشكرك جزيل الشكر على نقل هالقصيده الرائعه

هلا وغلا بابو فايز مرور رائع الله يعطيك العافيه

[عبد العزيز]

اقتباس من مشاركة مساعد صح لسان شاعرها وما قصر ناقلها وبيض الله وجهك ولاهنت على هالنقل وتقبل تحياااااااااااتي

الله لايهينك اخوي مساعد على المرور