[مرشد ابو تركي]

السلام عليكم ورحمة الله وبركاته

أنقل لكم أحدى قصائدي في الابل والربيع

ربعت في ريكات في شرق ساحوق = وأخذت في ديرة وديه ليالي
ماغير أنا والجيب نتبع هوى النوق = وننزل لهن قفرن من الوسم سالي
نتبع هواهن بالوطن لينه ايروق = نتبع هوى وضحا زهاها الدلالي
وجاوب الورقاء على كل طاروق = من هاجس توه جديد طرالي
والشعر فن ولهل المعرفه ذوق = ومن ماتفنن فيه ماله ومالي
ياكثر مانسمع من الشعر مايلوق = الا قليل الشعر طيبّ وغالي
يامعدي المرقاب خله لمحروق = لاتعدي المرقاب والراس خالي
خله لمن هوجس وفي قلبه أدقوق = قام يتذكر ماضيات الليالي
ماهو صحيح أن كل مطرود ملحوق = أنا وغيري كم طردت وغدالي
يهاجسي خل المعاني بصندوق = مابه جوابن لو طرحت السؤالي
وبعد ثلاث شهور في عد ماثوق = لاحت بروق الصيف شرق وشمالي
ولاحت بروق الصيف يم ديرتن فوق = دارنا هواها عذب وماهو زلالي
وتلافتن زينات الارقاب في شوق = وعرفت خطرهن يبن المحالي
يبن براق سرى ليله يسوق = فوق الجبال الشامخات العوالي

الموضوع الأصلي: (( ماهو صحيح أن كل مطرود ملحوق)) | | الكاتب: مرشد ابو تركي | | المصدر: شبكة بني عبس

[فضي البراك]

ماهو صحيح أن كل مطرود ملحوق

انا وغيري كـم طـردت وغدالي

كتبت فأبدعت

ووصفت فأبحرت بالمعاني الجميلة

[عيسى محمد]

مرشد ابوتركي

لله درك اخذتني بالافكار والطواري
وصفت مرباعك على قول ماثوق == يابن الكرام اهل الوفأ والجمالي
صح الله السانك ملايين ولايكفون
ابيات جزله من راس جزل بلاشك

تحيييييياتي لك

[عبس404]

يـهـاجــســي خــــــل الـمــعــانــي بــصــنـــدوق=مــابـــه جــوابـــن لـــــو طـــرحـــت الــســؤالــي


بيض الله وجهك يا بو تركي قصيده جزله من شاعر جزل

[مذكر الرشيدي]

صح لسانك

قصيده جزله من شاعر جزل

ماهو صحيح أن كل مطرود ملحوق

انا وغيري كـم طـردت وغدالي

[بنت أبوهــا]

يـهـاجــســي خــــــل الـمــعــانــي بــصــنـــدوق ** مــابـــه جــواب ٍ لـــــو طـــرحـــت الــســؤالــي

صح لسانك واعتلى شانك

[النقيشى]

صح السانك اخى الشاعر على القصيدة

[كشاف]

صح الله السان الشاعر