[احمد سبيتان]

هذه القصيده طلبت مني من قبل بعض الاعضاء فالمنتدى

جادت بها قريحتي فالجبل الاخضر في اندونيسيا

الذي يدعى جبل(بنشاك) اليكم القصيده عسى ان تنال رضاكم

فوق السحاب شوي في طلق الانسام=زميت خطواتي على درب معطوف
رغم الظروف القشر واجهاد الايام=ماعاد تحداني عن الطرقه ظروف
بيني وبين الهم مسرى ومجهام=اشوف نياتي على قد ما اشوف
فيني قصيدة عشق وجروح والام=فيني حنين اشواق واحساس مالوف
ماكني الا فوق من فوق الاهرام=اعيش لحظه كنها طاري الخوف
ياجبال بنشاك قلبي له اعوام=عيا يلاقي عذر راهي ومعروف
على الطريق الصعب سارن الاقدام=شوقي قدم والدرب غامض ومكشوف
شوف الطبيعه مثل ماشوف الاحلام=سحر العيون اللي قتل دمعة الجوف
ياصاحبي ماني على كيف الايام=الي معك صرفه ولايامي صروف
خلفي مبادي تمنع اكون جزام=والا التعب لامن وصلناك مخلوف
جيت ابودع شوفتك وانثر اقلام=واكتب عشان اذكرك واحن واروف
دنيا وسيعة صدر ورجال كظام=الله يكافينا من اشرار ما نشوف

الموضوع الأصلي: اندونيسيا ذكرى لاتنسى | | الكاتب: احمد سبيتان | | المصدر: شبكة بني عبس

[كاتب الرشيدي]

فوق السحاب شوي في طلق الانسام

زميت خطواتي على درب معطوف

رغم الظروف القشر واجهاد الايام

ماعاد تحداني عن الطرقه ظروف

بيني وبين الهم مسرى ومجهام

اشوف نياتي على قد ما اشوف

فيني قصيدة عشق وجروح والام

فيني حنين اشواق واحساس مالوف

الله الله عليك يا أحمد

ذكرتنا بالجبل الأخضر والطبيعة هناك

ابدعة بهذه القصيدة

صح لسانك

[بن هادي الرشيدي]

صح صح صح لسانك ولاهنت.
المره الجايه خذنا معك تكفى لاهنت. هه

[احمد سبيتان]

اقتباس من مشاركة كــــاتــــب فوق السحاب شوي في طلق الانسام زميت خطواتي على درب معطوف رغم الظروف القشر واجهاد الايام ماعاد تحداني عن الطرقه ظروف بيني وبين الهم مسرى ومجهام اشوف نياتي على قد ما اشوف فيني قصيدة عشق وجروح والام فيني حنين اشواق واحساس مالوف الله الله عليك يا أحمد ذكرتنا بالجبل الأخضر والطبيعة هناك ابدعة بهذه القصيدة صح لسانك

تشرفت بمرورك اخوي كاتب


تحياتي وتقديري

[برق الوسم]

شاعرنا احمد سبيتان
صح الله لسانك .. قصيده رااائعه .. لاهنت
والمره القادمه لاتنسى اخوك << برق ... تحياتي لك ..

[احمد سبيتان]

اذا كانت فيه مره جايه باخذك

معي اخوي برق

[ناصر الرشيدي]

خلفي مبادي تمنع اكون جزام

والا التعب لامن وصلناك مخلوف

الله الله

صح لسانك يا أحمـــد

.

[سعد محمد]

صح لسسسسانك يا أبو سبيس على القصيده الجزله


ولاهنت ..