[الاجهر]

قصة قبل النوم / للشاعر بدر صفوق

--------------------------------------------------------------------------------

بسم المعبود

عندما قرأتها ..
شعرت بها كحلوى شهية رغم انغماسها بنكهةِ الغياب المرة ..
لن أطيل أترك الحكم لكم

كل مرة تغيب تتركني معاي
و اجلس بظل انتظاري لك
وافتشني عليك
أنت ياللي تبتكر للحزن فيني ألف ناي
ليه تتعمد غياباتك و تتركني معاي
آه لو تدري بأني حيل تتعبني غياباتك
و يذبحني غناي
يا حدود الضي
و أطراف الصبر داخل حشاي
أنت تدري شلون تتركني معاي
أتوحد كل ما أذكر من تفاصيلك
و أطرز غيبتك بنجوم هذا الليل
و أتشكل سماي
آ آآآه يا كثرك معاي
حيل أحسك تبتدي فيني
و تتشكل و تتشكل بزوغ الغيم
أو شمس أتقاطر من بلل
أو صوت ماي
أنت تربكني غياباتك
أحس أني وطن فارغ من أحبابه
فرح طوَّح بيده للقلوب و سكَّر أبوابه
تصوَّر بس بغيابك
أوقف لك على مفرق حزِن روح الغياب
و أشعل عتابه .. تروح أنت و تخليني
مثل عصفور بيت بليل بَرْد
استوطن الغابة
أنت تربكني بغيابك
حيل تربكني بغيابك
توزعني على كل البيوت الغافية قصة لنوم أطفال
توزعني مثل حزن الغريب و لجة الموال
و ترتبني مثل صمت الحجر
أو وقفة التمثال
و يصلبني غيابك بالفراغ و بالصبر أحتال
تدري أنت شلون أشعر بغيبتك
مرات أحسك
مثل بسمة شفتين اتغربن
عن قلب عاشق
مثل آخر زفرتين من الهوى بضلوع غارق
كان ودّه يحتفظ فيهم لصدره
و خذله هالبحر
أنت تدري شلون ينحرني الغياب
وكيف يتمدد بروحي
كيف يتلمس حدود الشفتين و كل بوحي
مو جروحي
كانت متعبه في غيبتك
لا والله إلا كل روحي
و تدري إنك و الغياب
أصبحتوا الاثنين فيني

الموضوع الأصلي: بدر صفوق . وقصة قبل النوم | | الكاتب: الاجهر | | المصدر: شبكة بني عبس

[بشيرالشويلعي]

مشرفنا الغالي الأجهر هكذا عهدناك 0

[صوت البدر]

الاجهر العزيز
للغياب وحشه وما احسن اللقاء بعد غياب
سلمت ودمت