[سعد بن عادي]

صباح / مساء [ الجوري ]





هذه المساحة خصصت لإفساح الطريق .. لما يجول في صدري وما يروق لي !

أختياري المنفـرد .. يكفيـه " متابعتكم ولوبـ..صمت " طبعا كان في أحد مواقع القبيله وحبيت نقله لـ هنا .

ودمتم كما تحبون

الموضوع الأصلي: إهداء : للمقيمين على قارعة سفر !! | | الكاتب: سعد بن عادي | | المصدر: شبكة بني عبس

[سعد بن عادي]

فوضته أمري وإرتضيت أمره وهايضت وهتفت=الله ولـي أمـري ولا غيـر الله الوالـي ولـي
سبحان من تقوا عزومي فيه لامني ضعفت=وأنا وربي ماضعفت إلا لجبارن علي
روضت نفسي للخيار الصعب لين إني ولفت=والموت يقفي بي لعثراتي وعثرات زملي
ماني مضريها على الهيبات لا مني وقفت=ولاني مجنبها عن المشراف والمخرج ملي
قد قال أبوي اللي على دربه مشيت ولا أنحرفت=كن أولا وإترك مكان اللي يلي للي يلي

زعيم الشعر \ مساعد الرشيدي

[سعد بن عادي]

يالون الزعفران اللي سكن فيني فرات ونيل
ياريح الهيَل والنعناع..ياهيَلي ونعناعي

يامحمود السجايا..يابَطَل مسراي.. ليلَك ليل
سريت إبـ خافقي..واقفيت بي كلّي وانا واعي

أنا! جيت إلْك كلّي مندفع يافاتني بالحيل
إخذني لاعدمتك..يامبعثر خامد اوجاعي

فزع لك نبض قلبي..(كنّه التسبيح والتهليل)
وكنّه قال ميَدك!.. سَمّ..لك بالقلب مرباعي

يقول:إقلط هنا..لالا هنا..لالا هنا..وتسيل
شرايين الغلا.. من شوقها..وتطق الاصباعي

تضخّ وتحتفل لهفه..ويكثر رقصها..وتميل
لعينك..كلّ شريانٍ بشوقه! جاك فَزّاعي

[سعد بن عادي]

وَمضه:
بوسعِكَ أن تفتح قلبك للآخرين..لكن ليس بوسعك أن تملك قلوبهم.

فلنجعل من قلوبنا فضاء رَحِب لإيواء الآخرين..دون أن ننتظر مُقابِل منهم.

كل شيء في هذه الدُنيا يحتمل الشرط..إلا الحُب حيث لاينتظر مُقابِل

[فضي البراك]

لي شرف كبير ..

أن أول من مر ..من هنا .. أنا ..

أكمل يابو جوري ..

متابع ..

[سعد بن عادي]

اقتباس من مشاركة فضي البراك لي شرف كبير .. أن أول من مر ..من هنا .. أنا .. أكمل يابو جوري .. متابع ..

حضور اعتز به يابو فيصل
والشرف للركن,والكاتب,وللشبكه كلّه
يابو فيصل عساك اِتدوم يامال الغنيمه


لم يتّشح الركن بالذهب إلا بعد مرورك عليه ياغالي

[سعد بن عادي]

نام اسوَد الليل واِستلقى علىْ اكتافِك
ولاهَبَّت الريِح! من فوق الظهَر عسعَس

الليَل! غاشيِك روعَه.. والقمر! شافك!
ناظَر محيّاك..من حسنِك بدى ينعِس

يابخت منهو نظر في حالي اوصافِك
واللي ماشافِك بـ هالدنيا! هو الأتعَس

[سعد بن عادي]

انساك
انا وشلون
ابا انساك وشلون
وانت على مر الدقيقه على البال


*******
لو
حال / حايل
.. بين قلبي وبينك
انت لحال بكل الآحوال تبقى ..!