[رنــــا]

السلام عليكم و رحمة الله و بركاته
اليوم نسقت لكم محاورة للشاعر العميل السري و الشاعر بتاال و أتمنى أن تستمتعوا فيها .

العميل السري

سلام من هاجس ن يرفع مقام الصحيب =للشيخ بتال واللي حضر بالمنتدى
ماتدري الناس ويش اللي يجيب النصيب = للطيب ياللي سمعت الصوت لب الندى

بتاال

يامرحبا من هجوس اشعاعها مايغيب=رديتن ترضي العارف بعيـد المـدى
الذيب كانه عوا يردف عواه ابقنيـب=ياذيب يلي على متن الطويلـه بـدى

العميل السري

فيك البقاء يالمرحب جعل فالك يطيب=والليله اليله الطاروق ماهو حدى
ما شفت لي شاعرن هالوقت صدره رحيب =ياول ياشاعرن ماحب نصب العدى

بتاال

مد الرشا مدها بعيد قاع الجليب = وان كان طاحت دلاك اقول راحت سدى
اشوف راس الزيود يدب فيها المشيب = من بعد ماصوتت فالضلع جاها الصدى

العميل السري

بتال مدري من اهل الدار ولا غريب = في سيرته ماش علمن بينن يقتدى
مادام كل الدروب اللي تودي تجيب = عن اسفل الضلع بطلع بك جبال الهدى

بتاال

انا نقيب الكتيبـه كـان فيهـا نقيـب=من دون عزوة بني عمي خصيمي غدى
شوف المنيحه على دربك وفيها حليب=تلمس اديوسها واحلب غبوق وغـدى

العميل السري

محدن درا في نقيب ن تحت ادارة رقيب=ياقايد ن صرت اسير اليوم ومقيدى
حليبك اشربه وان ماكفاك هاك المذيب =ماجيت ادور عطايا كلها لك فدى

بتاال

وشلون ابا اكلم الصقهان مالي مجيب=وانا عقيد الركاب وشفت ضايع جدى
لاتجفل امن الزمل مافيه شكه وريـب=ماجاك سيل السحاب وجاك قطر الندى

العميل السري :

لا والله لا غدى مع الوقت وضعك مريب = خلفتك من فوقها هل السحاب ابردي
ياراعي الزمل ليه مقيل ن بالشعيب = مدري ترد الزمل ولا انت مترددى

بتاال :

وشلون ضيعت قافك وانت شاعر واديب=الله يسامح هل السلطه لحقهـم صـدى

و صح لسان الشعراء .

الموضوع الأصلي: ( بتاال الابداع و عميل الاسرار ) | | الكاتب: رنــــا | | المصدر: شبكة بني عبس

[غيم]

رنا.. مشكورة على التنسيق

لكن شنهو السر؟!

[رنــــا]

العفووو أخووووي
أما السر أسأل العميل عن أسراره
أنا ما عندي أسرار ههههه
و الله يعطيك العافيه على مروووورك

[حنان الرشيدي]

صحت ألسنة الشعراء ..
و تسلم يدينك رنونه على التنسيق
و الله يعطيك العافية .

[العالم الفلكي]

وعليكم السلام ورحمة الله وبركاته

مشكوره رنا على التنسق الرائع

[العميل السري]

كل الشكر للاخت رنا على التنسيق الرائع
وللاستاذ بتال على المشاركه
وهي ليست غريبه على شخصه
تحياتي للجميع والسر يبقى سر يللي سألت

[رنــــا]

مشكورين جميعاً على مروركم
و الله يعطيكم العااااااااااااااافيه