[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر ابوعوجه والشاعر قسورة الغاب

ابوعوجه

ابتدا ليل ابو عوجه على علمٍ خطير=ياسلايل عبس حنا مذللت الصعاب
فارس الفرسان عنتر وبن عمه زهير=يوم دورات المعارك وطعنٍ بالحراب

قسورة الغاب

ابتدا ليلك وجالك مع الغبشه خبير=يامصوت بالعشاء لك حساب وله حساب
لا دخلك الشك ريض قبل عقر البعير=البعير الي بقلبه مثل ريش الغراب

ابوعوجه

انت عندك لهجةٍ بين شر وبين خير=كلمة الغبشه لها علم ثاني ياثواب
ياسفير انته من اي القبايل ياسفير=السؤال اللي عطيناك رداله الجواب

قسورة الغاب

الثقافه واسعه تتعب العقل الصغير=ماسمعت بسالفة صك باب وفك باب
وسمي الكفه علي الشعر وبفخذ البعير=وانت قلي يالمزهب وش انواع الزهاب

ابوعوجه

عندنا بعض التحفظ لو يطول المسير=مير سقها طاب ليلي وليلك معي طاب
الرحا في تالي الوقت قامت تستدير=والبحر مانامنه لا يتحول لسراب

قسورة الغاب

لاتحفظ لا تنفظ ترا الدنيا بخير=طاب فالك ماكتبلك تشوفه بالكتاب
الرحا دارت ولكن علي حبة شعير=والقضيه قسورت غاب والي غاب غاب

ابوعوجه

والله اني مبتلش في عوير وفي صوير=مايعرفون الاشده ولا وسم الركاب
الجمل ريمان يخلط حنينه بالهدير=ون ضربته بالعصاء طاح من بين الطناب

قسورة الغاب

وش تبي بعوير خاو الاسد يمكن تزير=الخطا يبقا خطا منقول انه صواب
الحلال الي معك لاقليل ولا كثير=جيت ابا ادفعلك زكاته ولا وصل النصاب

ابوعوجه

ابك انا راعي مواقف والي سيفٍ شطير=لو ابا عتبك في سالفه كلك عتاب
والله اني مع هل المعرفه ماني فقير=وانت دافع مالك اللي معرض لذهاب

قسورة الغاب

انت حايل ماتجيها تخاف انك تطير=تطرحك عقبان بقعا ملاعبت السحاب
صل لله صل ولا تراك بزمهرير=لا تحسبني شقاوي ليا غنت رباب

ابوعوجه

اثرك اللي بنت في راس سلمى لك اعصير=ضلع سلمى ماكر للحرار وللعقاب
وانت خذلك سجدةٍ بأخر اليل الاخير=قبل يدخل معك لامت وسط القبر داب

قسورة الغاب

انحدر فيك ابيض السيل مع واد الجرير=جيت ابا صلح خرابك واثرك ام الخراب
لاجزيت بخير قدرك معي قوطي عصير=كيف ابا ذبحلك جمل وانت فمك بدون ناب

ابوعوجه

وانت داخل فيك من عصر شكٍ ياعمير=غابك اللي تسكنه مجتمعٍ فيه الذباب
لاكن انك ابن مسجد ولاتفكر بغير=وعيش بالدنيا وتطعم طعامك والشراب

قسورة الغاب

انت كد جوك الحرس قبل لا يجيك الامير=ياسلام اسلم وسلم و غنوا ياشباب
وانت يالقطة غليص الخلا مالك نصير=والا انا من مجتمع لا دعاء الله استجاب

ابوعوجه

انت راعي بندقٍ نشب داخلها الثير=تأكل الاطلاق وتثور من فوق التراب
شفت سب أمرار ذيبٍ محول وسط بير=وكل مايطلع يعود على بير الذياب

قسورة الغاب

يالله اغفر ذنبي ابصاحبي ذنبن عسير=والحساب ابذنب الانسان بعد الارتكاب
حرمة المسلم كبيره على الصحاب الضمير=وانت من عندي محرم ومكفول الجناب

وسلامتكم وصحت السنتكم ياشعار

الموضوع الأصلي: محاورة بين ابوعوجه و قسورة الغاب | | الكاتب: العالم الفلكي | | المصدر: شبكة بني عبس

[قسورة الغاب]

الله يعطيك العافيه يالعالم الفلكي ولايحرمنا من جهودك العظيمه

[العالم الفلكي]

اقتباس من مشاركة قسورة الغاب الله يعطيك العافيه يالعالم الفلكي ولايحرمنا من جهودك العظيمه

مشكور على المرور والتعليق

[المهم 1]

الله واكبر صراحه محاوره عالميه

[العالم الفلكي]

اقتباس من مشاركة المهم 1 الله واكبر صراحه محاوره عالميه

مشكور على المرور والتعليق

[قسورة الغاب]

كمان لعيوووونك + الرابط هذا فيه قصيده اتمنا تعجبك
http://bani-3abs.net/aa/showthread.p...24#post1449024

[قسورة الغاب]

ابووو عوووجه شاعر ذكي الي ابعد الحدووود تقراء شطر بيته وتحسب انه حشوو وهووو ملغوووم لغم عنقووودي هههههههههههه ابووو عووجه يتعمد هذا الاسلووب اذا بغا يلغم انتبهووو منه لا تقوولوون ماعلمتكم ههههههههههه
صح اللسانك يابووو عوووجه والله اني صادق استاذ وانا تعلمت منك الشئ الكثير