[النجم]

الا ياللي جرحت القلب ثم زدت الطعون طعـون
لك الله ما ذرف دمـع العيـون الا علـى شانـك

صحيح الجرح من غيرك على قلبي تـراه يهـون
ياشين الجرح من خل ٍ عزيـز ٍ صنتـه وخانـك

انا اللي كنت احبك حب مثـل الهايـم المجنـون
وانا اللي كنت اغار اصلا عليك اكثر من اخوانك

وانا اللي كنت احسبنك حبيبي وسط هـذا الكـون
وانا اللي كنت اشيل هموم قلبك وابعـد احزانـك

وانا اللي كنت اشوفك فوق والعالـم ولا يسـوون
واحب اللـي تحبونـه واعـادي كـل عدوانـك

وانا اللي كنت اداري خاطرك وادللـك بالهـون
ولا اصـدق كـلام الا كـلام ٍ ينطـق لسـانـك

وانا اللي كنت اشوف من البشر مليون لون ولون
ولا افكـر احـب انسـان لان القلـب مسكانـك

وانا اللي كنت اقول الشعر ابك والناس ما يدرون
كتبـت بـدم شريانـي ولا هـو بـدم شريانـك

عطيتك حبي الصادق مشيت اعمى بـدون عيـون
عطيت احساس شاعر يعزف اوتاره على الحانك

احسبنك معي صادق على وضح النقا مـا تخـون
على العهد القديم اللـي معـاي وبـرت بايمانـك

وحسب اني حكمت احساسك الكاذب واثره ضنون
وذلحينه مسحت اسمك علـى رقمـك وعنوانـك



منـــــــــــقوووول

الموضوع الأصلي: ياشــــين الجــــرح | | الكاتب: النجم | | المصدر: شبكة بني عبس

[الجـــــادل]

أختيار موفق اخوي النجم

لاهنت على القصيدة

تقبل تحيتي


اختك الجادل

[فيصل الرشيدي]

ربي يوفقك يالنجم


مبدع بمعنى الكلمة الله يوفقك وماشاء الله عليك على الذوق الرائع بالاختيار الموفق


تسلم عسى تسلم من الشر يمناك

[بندر الذيابي]

صح لسااااااااان الشاعر ولاهنت علي النقل

اختيار موفق ورائع

دمت بود


تحياتي


بندر الذيابي

[بدر الحشية]

اختيار في قمة الروعة
لاهنت على النقل اخوي النجم