[سعد الشقل]

وضاح اليمن

من ربوع اليمن دار الاصل ولاصاله=جيت يم الرجال اللي عزيزن نسبها
يابني عبس يالرجال الوفا والشكاله=حبكم عن جميع الناس روحي كسبها

السبع الضاري

من ربوع الكويت أم الوفا والجماله=مرحبـا باليمانـي عـد مامـر بابـهـا
صـل يابـو يمـن علـى محمـد وآلـه=حبنا رأس حيـة وأنـت حبـك ذنبهـا

وضاح اليمن

ونعم بالبلاد اللي ذكـر مـع رجالـه=ديرتن عاشت اجنابن وعاشت عربها
ليش تامرماحنا في زمـان الجهالـه=اعرف الدين وسلوم العرب ماعقبها

السبع الضاري

الولـد مايطـيـب ألا لـيـا طــاب خـالـه=وأنت قلي خوالك من هو اللـي جذبهـا
احسبك عامل(ن) عادي مثل هالعماله=اثر بنت الجحش وضاح راح وخطبها

وضاح اليمن

ماهو صح الكلام اللـي يعـده وقالـه=كم ولد شاخ ماهو من خواله كسبهـا
دام عارف تحرص وحترص باي حاله=وبنت جحشان قبل اصله خصمي نهبها

السبع الضاري

لاتـسـري الـقـوافـي يـــاردي الـزمـالـه=شعـلـة الـنـار تكـبـر كــان زود حطـبـهـا
الـرشـاء يــدرج لـركـب فــوق المحـالـه=وانت سوق العروسه وانت مجول ذهبها

وضاح اليمن

كل تاجر لو اخطا مانقص راس ماله=وغلطتن سهو ماهو قل ليه تحسبها
اترفع عن علوم الـردى والرزالـه=والرديه لهلها كـان ربـي نكبهـا

السبع الضاري

بارق(ن) لاح بالمنشـأ سقـا الله خيالـه=الجوازي عن اعيونـي خيالـه حجبهـا
لو بنيت البيوت بحي سمـراء صلالـه=صاحبي لليمن بالجيب الأزرق سحبها

وضاح اليمن

خايل البرق خلك بالسماء عن سهاله=والجوازي نداء وضاح يمه جذبهـا
انت خلك على سيف البحرفوق جاله=والعناقيد لو مالت لاتلمـس رطبهـا

السبع الضاري

شبـت مـن وادي البركـه وقـاع الغزالـه=ياحيـاة(ن) علـى سـبـع الـفـلا الله كتبـهـا
جزت يالطرقي اللي كل شيء(ن) غداله=مـار مامعـك مـن بـاق السواليـف جبهـا

وضاح اليمن

ماتشيب عيون السبع والخير فاله=ان تعبتم من الحمله مانجبرك سبها
انت حدد سكنك بشرق ولا شماله=ابتلشنا بكلمه سبعكـم لـي قلبهـا

السبع الضاري

اصبر العلـم باقيلـه . ياغالـي كمالـه=نخلـة الحايـط الشقـراء تكلـخ كربهـا
بين حمر الجذيب وفوق مبرك هلاله=كني القوس في عين(ن) غطاها هدبها

وضاح اليمن

والله اني ماروح و قربتك به بلاله=لين اصدر جهينه يابساتن قربهـا
وعتبرها من الطرقي وفا او نذالـه=كان صمل ودلوك مع رشاها قصبها

السبع الضاري

حـي والله مـن انتـه اليمانـي حـلالـه=لـو بواريـد صنعـا مايـخـوف ندبـهـا
الجمل لو يحط اطويق واسواج شاله=قــوةٍ بالجـمـال الله عطـاهـا وهـبـهـا

الموضوع الأصلي: وضاح اليمن × سبع الفلا | | الكاتب: سعد الشقل | | المصدر: شبكة بني عبس

[ناصر خنيفر]

سعد مشكور على تنسيق محاورة ابو يمن والسبع الضاري من اقوى ماقريت من المحاورات الله لايهينك ولايهين شعارها

[ماجد الذيابي]

مشكور على التنسيق

[عبد الرحمن خضير]

شكراً لك اخي الكريم
اخوك ابومتعب

[وضاح اليمن]

سعد الشقل الله يبض وجهك على التنسيق شكرا

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي