[ذبحني غروركـ]

مدخل ,

ضاق صدري وإنعمت عيـن الشعـر ,
كلّ حزني فزّ له وأصبـح كفيـف , !

آه يا حـبْ صابتـه لعنـة قـدر , !
إنكتب له وإنتهى الحـبْ العفيـف , !

مثل من بعد الغنـى صابـه فقـر , !
شغّل عياله لجـل جلْـب الرغيـف ,

السَهر في غيبتـك كسـرة ظهـر , !
والحياة بْلا وجودك ,, زيف / زيـف !

أنـت مـا تـدري بحالـي والأثـر !
صرت أشوفك في وجيه الناسْ طيف !

ما أبي أسمع ولا كلمة وفكوني من التشويش
واي واحد يقاطعني تراني معه أخربها

أنا في خاطري كلمة عليها جاري التفتيش
لها فترة تعذبني... وهاجوسي معذبها

أبنبش في خفايا داخلي لعيونها تنبيش
وأبيها تعانق احساسي قبل لا اشد وأكتبها

ابكتبها وارددها ولو قالوا تعيش بطيش
انا كل الذي فيني ترى سبة سبايبها

ابكتب له أنا احبك... وبحبك بس احب اعيش
أحبك أيه أنا احبك وروحي حيل متعبها

غلاه بداخلي كوش على كل الغلا تكويش
وخلاني بشوفه بس أعد أيامي وأحسبها

الا يا أهل الهوى تكفون أنا طيرا بليا ريش
عجزت أقوى على فرقاه واشباكه بلشت بها

الا من هو يرده لي وأنا بدفع له البخشيش
وابيه يقول له ارحم ترى هالبعد ضاق بها

وأنا في ذمتي ماعاد أعيد لعبة التهميش
عدل بمشي معه والله ونفسي له با أدبها

ولا أتكبر ولا أتغلى ولا أزعل منه لو ويش
أبيه الحين يرجع لي قبل لا جد أخربها.

مخرج ,

صرت أحسْ طعم الخيانة فـالصـور ,
وصرتْ أخاف الليل والدرب المُخيف , !

إرجع إسقي ما بقى لي من زَهـر , !
إرجع إسحب من حنايا الصدر سيـف !

إرجع ولا ابي من أعـذارك عـذر , !
أنت في قلبي معـزّب وآنـا ضيـف !

أنت حـبٍّ ساقـيٍ زهـر العُمـر , !
( بسْ أبيك ) وما أبي غيرك وليف , !

الموضوع الأصلي: أنا طيرا بليا ريش عجزت أقوى على فرقاه واشباكه بلشت بها..! | | الكاتب: ذبحني غروركـ | | المصدر: شبكة بني عبس

[نوماس5]

مدخل

ولا أتكبر ولا أتغلى ولا أزعل منه لو ويش
أبيه الحين يرجع لي قبل لا جد أخربها.

مخرج

أنت حـبٍّ ساقـيٍ زهـر العُمـر , !
( بسْ أبيك ) وما أبي غيرك وليف , !


هالله هالله هالله ذووق ورمنسيه
صح لساااااااااااانك يسلموو على النقل المميز القصيده المميز
وكل العده التميز فيك وله في غيرك

مع تحيات كحيلااااااان

[ذبحني غروركـ]

نورت والله ..
لاع‘ـدمت حضوورك ..