[مسندالعويمري]

ابوفهد العويمري الامير سويلم بن هديبان رحمه الله. يقول الشاعر رابح بن دحيلان العويمري
يمدح بها الامير سويلم ويصف المعركه التي دارة بين الشيخ هديبان وبين شيوخ مطير

ياراكب اللي سايقه مايهين= كد كمل التمرين توه بدابـــــــه
مقال وده ورشة مهندسيني = ولا قيل عند حسين سوي خرابــــــه
يفحاه ابو عيسى من الغانميني = سعد عين اللين انتخى واعتزابه
من تحت ويله مثل رش الغشيني = شختول وبل(ن)مستوي من سحابه
يلفي على ذباح كبشن سميني = لراع العماير شوق جالي عذابه
حليلته من منقع الطيبينــي = من ماكر(ن) رب المقادير جابــــه
يامير يالاطام للمعتديني = لشافك ممرورن تصيبه مهابــــــــه
انا اشهدنك من علا الطيبيني = عد(ن) بحر من مد جاله روابـــــــــه
اخوات هدبا كلهم كامليني = سو الحريب ليا تصعب بدابــــــــه
كد لي خبرت افعولهم من اسنيني=عصر(ن) مضى يوم(ن) هاك الحرابه
على ملا مح فطرن صاملينـي = وخلافهم جمع(ن) غداله ضبابــه
كم هجمتن لفوادها مصبحيني =وكم ويلد(ن) منهم عطيب(ن) صوابه
كم خفرتن راحت تصيح الجنيني =واقفوا بطرشن مايعدد حسابـــــه
جتهم اشيوخاً للابل مرتهيني =يبون قطعاناً على حد لابـــــــــه
جاهم نذير(ن) واطلبوا فازعيني= وتوافقو عقب العشاء بحد غابـــــــه
قامو عليهم قومت(ن) صامليني = وراحت قلايعهم بالايدي نهابـــــــه
راحو ذهاب ونصهم عادميني= وشبعت بمنثرهم هجاف الذيابــــــه
لو تسأل الابيض بهاك البطيني= ليخبرك عن كاينن ما مضابـــــــــه
اقولها ماني من الكاذبينـي = ولاني بسرمادي(ن) يدور جلابـــــــه

الشاعررابح دحيلان العويمري

ملاحظه قمت بحذف القصيده عن طريق الخطاء
وحاولت اعادتها لكن لم اتمكن من الرجاعها
وقمت بتنزيلها باسمي علما ان القصيده الذي قام بتنزيلها
ابو فهد العويمري .
فااكرر اعتذاري الى اخي الكريم عن الخطاء الذي غير مقصود

الموضوع الأصلي: الاميرسويلم ابن هديبان المهيمزي | | الكاتب: مسندالعويمري | | المصدر: شبكة بني عبس

[خالد العويمري]

الف شكر لا بو فهد ولك يا مسند

والله يرحم الشيخ سويلم بن هديبان ويسكنه الفردوس الاعلى

[ابوفهد العويمري]

الاخ مسند مشكور على اعتذارك
اعتذارك مقبول
ولاعندك غير حلالك

تقبل تحياااتي

[فواز الدواي]

الله يرحمه يسكنه جنة الخلد وسبعة انعام

وصح السان شاعرها ويسلم ناقلها

ونعم بمشايخ ووجهاء بني رشيد كافه

دمت بود

[ابوفهد العويمري]

راع العوجا مشكور على مرورك
تقبل تحياتي

[ابوفهد العويمري]

[الاجهر]

ونعم بالشيخ ابن هديبان وصح السان راع القصيدة

[ابوفهد العويمري]

الاجهر
اشكرك على المرور
تقبل تحياتي