[شاعر بني عبس]

السلام عليكم ورحمة الله وبركاته

اسعد الله اوقاتكم بكل خير

مصافحة بعد غياب طويل في ردية بيني وبين والدي حفظه الله
ورعاه من كل مكروه

اتمنى ان تنال اعجابكم



لاتستضيق وخل كل ضيقة ٍ لي
وضحكة حجاجك جعلني ماعدمها
يابوي لك خفاق ٍ أطهر من المي
ماتخثربه ناس ٍ تبيع ذممها
وماباقي من الطيب ولا الفخر شي
الا به فعولك يرفرف علمها
ايام صغري كنت لي يايبه في
عن لاهب سموم يشلوط نسمها
مالك خصيم الا البخل والتوى لي
من مد يمناك لشحمها ولحمها
درستني ان المراجل مهي شوي
وعلمتني معنى الكرام بكرمها
تفداك الارض ومن على وجهها حي
وتفداك هقوات النفوس وهممها
ويحفظك من يخرج من الميت الحي
وتدوم لك سعد السنين ونعمها



رد والدي


يالله تسترنا من العيب والسي
والنفس يارب العياد تعصمها
البارحه ماهملج الجفن وابكي
من شاف دمعي قلت جفني لطمها
واخفيت ما بالصدر ماودي احكي
لين استوالي كيف مضرب سهمها
لا ياعيالي طيبكم كلكم لي
في طيبكم كل النفوس نخصمها
ماهي خساره يوم انا اتعبت رجلي
اسبوت رجلي حافية من قدمها
عبداللطيف ايديك يابوي بيدي
الحر مثلك كل عليا قشمها
احرص على التقوى واترك هل الغي
اللي تعمر بيوت ونوب اتهدمها
والله ماتشكي الليالي وانا حي
الا ان والي العرش نفسي زهمها


وسلامتكم واتمنى من الاخوه التنسيق

الموضوع الأصلي: ماباقي من الطيب ولا الفخر شي | | الكاتب: شاعر بني عبس | | المصدر: شبكة بني عبس

[الشاطئ المهجور]

ايام صغري كنت لي يايبه في عن لاهب سموم يشلوط نسمها مالك خصيم الا البخل والتوى لي من مد يمناك لشحمها ولحمها

لا ياعيالي طيبكم كلكم لي في طيبكم كل النفوس نخصمها ماهي خساره يوم انا اتعبت رجلي اسبوت رجلي حافية من قدمها

صح الله لسانك اخوي عبدالطيف
وصح الله لسان والدك
بحور من بحور الشعر وفقكم الله لما فيه الخير يارب

[الوآآفي]

صح السانكـ وعتلا شأنكـ
أنت ووالدكـ حفظهـ الله
ورعاهـ من كل مكروهـ
وجعلكـ بارً بهـ

[عقيل الرشيدي]

اخوي شاعر بني عبس صح السانك ولسان والدك الله يخليك له ويخليه لك وفي بيت من بيوته يبيك تترك الشعر ههههههههه وﻻيطول غيابك بانتظار جديدك انت وربعنا :)
وان شاء الله اخوي ابو مشعاب مايقصر بينسق لك القصيدتين عموديا
وتقبل مروري

[ابوفيصل لمهيمزي]

صحت السنتكم جميع

[كبرياء امراة]

يعطيك العافيه **

[شاعر بني عبس]

اقتباس من مشاركة الشاطئ المهجور صح الله لسانك اخوي عبدالطيف وصح الله لسان والدك بحور من بحور الشعر وفقكم الله لما فيه الخير يارب

الشاطئ صح الله بدنك
والله يجزاك خير ويرحم والديك
شرفت ونورت عزيزي

[شاعر بني عبس]

اقتباس من مشاركة الوآآفي صح السانكـ وعتلا شأنكـ أنت ووالدكـ حفظهـ الله ورعاهـ من كل مكروهـ وجعلكـ بارً بهـ

الوافي صح بدنك عزيزي
اللهم امين
جزاك الله خير ورحم الله والدينك
مرورك شرف لاهنت