[سيوف بني عبس]

ابن علوش


سلوم الناس عند الناس تسليمة وترحيبة = وذي سنة نبي الله رضي ربي عن اصحابة
يدور ابنا الزمن ياشقير ماتصفي مشاريبة =زمن صكات بقعاء قام يوميلك بمشعابة


شقيرالمطيري

سلوم الناس تعرف والولدتعرف هناديبه=لوإنه ياطويل العمرماينطق ولاجابه
يدورإبك الزمان الشين بين الشك والريبه=لكن شقيرمركي حربته في حلق حربه


ابن علوش


يدور ابنا الزمن والطير رزقة من مخاليبة = عسى للقوم طير ماشبع من صيد مخلابة
انا عارفك بالميقاف ماعندك تبي تجيبة = وانا ماعندي الا مطرق ونيران شبابة

شقير المطيري


يقولون العرب من جازله مسجديصليبه=وأبومشهاب ديم شعلته في خشم مشهابه
عرفت اللي بصدرك قدم لاتهرج وتبديبه=وترني كل شين ياصحيبي حاسب إحسابه


ابن علوش


بنادم عادتة طماع لو حصل مطاليبة **وسيع المعرفة لاقال كلمة مابلشنابة



نوايا والنوايا خافية كلن على طيبة ** لحقت الحاكم الي عاند الحاكم وضحابة
شقير المطيري


يقولون الرجال الضيف في حكمة معازيبه=وبه ضيفان طرقيه وبه ضيفان خطابه


وراع البيت المروبع يوم شدد روس أطانيبه=نزل وسط الشعيب وجاه حموالسيل ودوابه

ابن علوش

يقولون الرجال الي معة قلب متهقويبة ** يجيلة يوم يذبح ذبح مايدرا وش اسبابة

كسر من شاعر مايجهل الشعر ولا اساليبة **ترى للشعر فنة ماهو بلحنن تغنابة

شقير المطيري

أباجاملك مره مرتين ولاهي إمعيبه=لكن من عقبهابقول ياخي ماهي إطلابه


تعديادمي وعرف بمخط الهرج ومصيبه=أناماني معلملي غشيم ولامشقابه



ابن علوش


عفينا عنك يابعير عصانا في عراقيبة ** يبي ياكل زحول الزمل صدفة وانشلع نابة
ظعيف الحجة الي مامعة مال ويشريبة ** نصيحة يترك الاسواق عنة لناس جلابة




شقير المطيري

هذاءعيب الصحيب إنقالوالناس إنشكف عيبه=إذأكانن في العرقوب طقه وش يسوابه

وأناأصرف من ذهب يومآخصمي فارغن جيبه=ذبحه الجوع ماعنده ولوقرش إتغدابه

ابن علوش

عليك الله واكبر يازمن كثرت عذاريبة ** سجل الموت قام شقير يكتبة ويقرابة

صدى صوت الجبال يرد في جوا عوا ذيبة ** وعلوم سرمدية والشنب يفتلك اشنابة

شقير المطيري

يامال العافيه خلك شنب ليصيربك هيبه=وتحيزم بالحام الي عريب الاصل وصابه


تبي تبرك بحملك ياجمل وإلأتزوزيبه=على ماقيل من يبرك لحمل القوم زوزابه





ابن علوش

يعافيك الله الي كل خلق الله تلبيلة *** وضعيف النفس ميزكي لونة يكمل انصابة

الموضوع الأصلي: محاورة شقير المطيري وعبدالرحمن علوش | | الكاتب: سيوف بني عبس | | المصدر: شبكة بني عبس

[ناصر الخياري]

تسلم لاهنت .
صح لسان الشعاار .

[حــزام]

يدور ابنا الزمن والطير رزقة من مخاليبة = عسى للقوم طير ماشبع من صيد مخلابة انا عارفك بالميقاف ماعندك تبي تجيبة = وانا ماعندي الا مطرق ونيران شبابة

صح لسان الشاعر عبدالرحمن بن علوش المظيبري
رغم صغر سنه الا انه شاعر قوي وجزل ويعرف المعنى ،، واتوقع له مستقبل كبير

لاخلا ولاعدم يا سيوف

[منصور العجوني]

صح لسانكم محاوره ولااحلى

[سيوف بني عبس]

[صياف]

ابن علوش يقول | وانا ماعندي الا مطرق ونيران شبابه

شقير المطيري | وتحيزم بالحام الي عريب الاصل وصابه


ياخوان والله انا ماعرف ابن علوش واعتقد انه شاب

لكن اذا وجدناء له محاورة لابد انا نقراها بالكامل اذ كانت تخلو من الاخطاء مافيه مشكله نعلق ونمدح ونثني على الشاعر حتى لو بالغنا بالمدح

لكن اذا هناك اخطاء كماهي موضحة لابد انا نقف عند الخطاء حتى لوتشير على البيت بلون احمر المهم انك تحط ملاحظة

حتى الشاعر يستفيد ويتطور من خلال الفكار الاخرى

[كنترول القاف]

صدقت يا صياف


وبيض الله وجهك يا ابن عبس على النقل

[بيطار الشعر]

سيوف عبس مشكور على نقل الابداع