[يجيني طاريك]

السلام عليكم ورحمة الله وبركاته:ـ
أعوداليكم بهذه القصيده التي اتمنى ان تجد الرضاء منكم وان تكون محل أعجابكم

البارحــــه جفنــي

البارحه جفني عن النوم عيا=

والقلب فيه من الطواري ملايين
لانامو العالم وجيت أتهيا=
للنوم جاني مشغل البال والعين
يسهر معي لين ألمح الصبح ضيا=
وأستأذنه ويقول بدري على وين
بدري على عمره نسى اللي هنيا=
بين الضلوع العوج ساكن من سنين
ساكن معي ما بين هذي وذيا=
يمشي بدمي من وريد لشرايين
مغرور متغطرس ولاهو كذيا=
من كبريائه تخضع له السلاطين
ودي أحدد فيه شي (ن)وشيا=
لكن عليه أخاف نظرة حسودين
طيفه على شاشة خيالي خويا=
ماغاب عن شاشة خيالي لو شوين
سود الليالي كان شحت عليا=
وأنا على رجواه مبطي وهالحين
ماغيرها من الناس أبيه ليا=
حتى ولو كانت من أحلى المزايين
الله خلقها خلق ماله حليا=
جمالها طاغي وزايد عن الزين
قلبي وطنها تحكمه بس هيا=
ماغيرها اللي تحكم القلب حكمين
حكمن بشرع الحب كتف أيديا=
وأستسلم الخافق لنص القوانين
وحكمن بتنفيذ الأوامر بليا=
أمره ينفذ زين والا بعد شين

يجيني طاريك(الفهــــد)

الموضوع الأصلي: البارحه جفني عن النوم عيا | | الكاتب: يجيني طاريك | | المصدر: شبكة بني عبس

[سعد الرشيدي]

صح اللسانك

قصيدة رائعه

[منصور غنيمان]

صح اللسانك

قصيدة رائعه

[العالم الفلكي]

صح لسانك ولا هنت على الرائعه وتقبل مروري وتقديري

[برق الوسم]

صح اللسانك

قصيدة رائعه

[الوافي99]

صح اللسانك

قصيدة رائعه

[يجيني طاريك]

سعد
برق الوسم
الوافي
منصور
العالم الفلكي
سعدت بمروركم واشادتكم شهاده اعتز بها
دمتم بخير
تقبلووووووووووني بود

[رعبوبة]

يجيني طاريــك.. لاهنت ماشالله قصيدة رائعــة عن جد ... موفق