[هدير الموج]

السلام عليكم ورحمة الله وبركاته
مقتطفات شعريه ..ومن الاذواقي مختلفت وبينت للجميع أذواقها
لكل شخص ذوق خاص في كيانه المحيط به من شتاء المجالات
وهنا أنا أنثر لكم مذاقي الشعري !!
لعل أن يروق على أستحسانكم

لا صرت غايب أبي بـالله تـاخذني=لأول طريقٍ تضمه رجلك اليمنى
تعبان..أدري ولكن صعب تتركني=لانـي بـدونك حكايه..مالها معنى

عـيونك الثنتين..أجمل قصـيده=ومن شان عينك كل هاجس يجيني
أول شطر قلته عشانك/وأعيده=(سـحـقـاً لحبك/جـايب العـيد فـيني)

وحده بوحده مثل ماتسوي بسوي=تجرح أبجرح وإذا تزعل أبزعل
كل ما أحـسـك تبي أتـعكر بـجـوي=أبسبقك وأبتدي وأصير أناألاول

لاتـشتكي وأنت السبب يوم قفـيت=حتى لو عيونك من أجلي تباكت
شفني تعبت من المفارق وعانيت=لكن على رغم المعانــــاه ساكت

صدري بعد مارحت خالي ومهجور=وأسوار صدري يوم قفيت طاحت
مـا كـنـه إلا بيت لـه وقـت معـمـور=دارت عليه سنـين عـمره وراحت
الـبيت طين وصاحب البيت مقـبـور=وكل الامـاكـن داخـل البيت ناحـت

هـات لـي من جفنك المرخي نـعاس=وإعتبرني حلم وإسمح لي أجيك
كـان يـامـا كـان ,بــه أشـبــاه نـاس=كان بين الناس شخصٍ يحـتريك

إذا طلع لك قلب وعرفت تـشتاق=تـعـال دورنـــي تلـقـاني مكاني
وإن كان قلبك نـــايم مابعد فــاق=خله الين يفوق مع جرح ثاني

ياشينها لاصرت بلا خلن وزعـلان=محد يراضي قلبك/ومحد..يهمه
وإن رحت محد قال لك وين يافلان=روحتك مع,جيتك,,ماهي مهمه

مـن نـوى فـي بـنـات الـنـاس نيه=وعـذابـه فـــــي جـــهـنـــم وعـذابه
ياكثر من يسوي عليهم مسرحيه=ويتـقـن الــدور البطولي ويحد نابه
خاف ربك عندك أخت عندك بنيه=خاف ربك وكل شي أحسب حسابه

يـازين جوي يوم أطالعك بسكات=ودي بطول العمر جالس وأطالعك

وش لك بتنبيش الجروح العطيبه=دامي معك مبسوط في كل الأوقـات
الـجرح عـادي يـنـدفن بس عـيـبه=مثل الاسم لو مـات راعـيـه مامات

أنـتـبه يا صـاحبي لاتصدق لو يحلفون= ترى هم وقت المصالح بالله يكفرون

تعـبـت أدور بـيـن الأجــواد صــاحب=وعندي مـفــــاهيم الصــداقه عظيمه
وأدري الصديق بكل الأحوال ساحب=وأحذر صـــديق السـوء حكمه قديمه
احب راعي الطيب والجود والواجب=ناس مثلك تحشم وتستحق الحشيمه

أتمنى أن تـنـال أعجابكم

الموضوع الأصلي: مقتطفات شعريه | | الكاتب: هدير الموج | | المصدر: شبكة بني عبس

[الشاطئ المهجور]

الله يعطيك العافيه

أأهنيك على الابداع

تحيتي لك

[هدير الموج]

الله يعافيك وشاكر لك مرورك

[سند الداموك]

يعطيك العافيه إنتقاء راائع

تحياتي

[بيطار الشعر]

نقل مميز وسلمت يدينك على نقل هذه الأبيات الرائعه

[سحايب]

يعطيك العافبه اختيارات
جدرااائعه،،،،،

[هدير الموج]

اقتباس من مشاركة سند الداموك يعطيك العافيه إنتقاء راائع تحياتي

الله يعافيك
الأروع مرورك