[عايض بن صالح]

يازين بالمقناص ون شبة النار=عقب التعب وسط الشعيب الخلاوي
متمثلن موقعك من بين الاشجار=عن ضجة العالم بعيدن نحاوي
لقريبك هجره ولقريبك قار=دارن خلا فيهااشهب الذيب عاوي
يضوي عليك الليل ماتشوف الانوار=محذا قمر ونجوم والليل داوي
في جو تلعبه من العام الامطار=باقي ثرى سيله ابعض الملاوي
منه ارتوى غصن الشجر واحيا الاثمار=ريحة شجرها مع نسيمه ايداوي
ماباع فيه ولاشرى كل عطار=ماهو بلامسكن ولاهو بجاوي
ريح الطبيعه تنبعث عبر الازهار=ماله بهالدنيا شبيهن يساوي
في موقعن مابين لابه على غار= مادوجت بحماه وارد عراوي
ماداج فيه الاسفاري وفكسار=مع طلعة المنقار ماهو بثاوي
والي مع السواق رامي وصقار=كلن على شوف الجميله شفاوي
الي حمل بارودته سر وجهار=والي على كفه يشيل النداوي
والي مخابي عزبته بن وبهار=راعي دلال يجيد صنف القهاوي
هيله على جمر الوريثه اليا فار =يتوقله راسن من الكيف خاوي
متقاسمين الطيب والدرب منقار =على صلافيح الصفاه متلاوي
يبرا محاييفن تقل حد منشار= واصداعتن مابين خفس ومهاوي
لولا الرجوم معيمن الدرب ويسار=يروح معهن شوف عينك سماوي
منته معه مجبور راضي ومختار=عاشق وقلبك في هواها شقاوي
ماطاع فيها اهل النصايح والاشوار=ولاهو بحال مكثرين الزراوي

الموضوع الأصلي: المقناص | | الكاتب: عايض بن صالح | | المصدر: شبكة بني عبس

[ابوبيادر]

صباح الخير يا ابو صــــــــــــالح

صح السانك علي القصيدة الجزله وبيض الله وجهك

لنويت المقناص لاتنسانا

[مسندالعويمري]

مصافحه رائعه يا ابو صــــــــــــالح

اهلابك وبحضورك

صح السانك علي القصيدة الجزله وبيض الله وجهك





بنتظار جديدك

[ابواثنين]

صح اللسانك يابو صالح
قصيده جزله من شاعر جزل

[عيسى المويسه]

ابوصــالح الشويلعي


صــح السانكـ ولاعنت على هذه

القصيــدة الطيبــه ..

شوقتنــا على المقنـــاص ..


وحنــا تونـا بديـنا بالصيــف



بانتظار جديــدكـ


لك تحيتي




...

[سعد الفلاح]

صح اللسانك أخوي أبو صالح قصيده في قمة الأبداع وهيضتنا والله فيها وسجل أعجابي ولاتحرمنا من أبداعك ولاهنت يلغالي

[شاعر الثقلين]

أبو صالح كلك أبداع ولاهنت

وماقول ألا الله يوفقك صاحب المنتدى اللي خلانا نلتمس من هذه الأفات الرائعه مثلك وشرواك



وتقبل تحياتي

[عايض بن صالح]

صح بدنك يابو بيادر واسعد الله صباحك ومساك

تحياتي