ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
بصمتي
أعِــزائي ...
أعْضــاء ومشرفي وكل منتسبي شبكة عبس تحية طيبة ,,تحية عطرة لجميع الأحبة هذه الصفحة .. أفردها لأضع فيها بعض الأبيات الشعرية وأجعلها متجدده بكل جديد اتمنا تجدون فيها ما يعبر عن أحاسيسكم الجياشة بتغير الأيام والمناسبات.. وأتمنى أن تنال هذه الباقة المتنوعة من الأبيات الشعرية على رضاكم وتحوز على إعجابكم
ياهجوس الشعر والليل ياجبال السـرات=ياخفـوق مارضـا فـي حيـاة الململـه قلت اسيرها وتارد علـى عـد الـروات =يوم شفت الذهوب يم العـدود مزرفلـه وكان حتا العلـم منكـور لاونـه ثبـات=لو يكون العلم واضـح يحـاول يجهلـه ومن دعا في وحدة الصف والواقع شتات=ذاك صف يجمعـه وذاك صـف يهملـه لو يكون الصف مجروح برماح الغـزات=اخذته بعض العزاوي امسكلـي وازلـه مابقى الا يسرج الخيل ويصف الرمـات=والحـلال يحرمـه والـحـرام يــحلله تبت افكار الـردئ واليديـن الخايبـات=الحسد والكـره والكبـر مثـل الحنظلـه ورب من فرض على سيد الخلق الصلات=عز ماينومـس مقاديـم ربعـي محملـه وماعتزيت بطيب يوخذ تحت كم العبـات=والمثل يقول مال الحمـل غيـر جملـه ومانسوم المجد والعز في نبح وشمـات=ولا رجينا ثمرة الجود في غرس إيثلـه ولا نبي نرجع على قولة اللي فات مـات=ولا قبلنـا بالنصائـح لجتنـا مزهملـه والحياة اسرار والعمـر يقفـاه الممـات=وكل مخلـوق اليامـات يجـزئ بعملـه
العـمـر ولـــى وشـيٍــاً راح مـــا يـرجــع=و الناس تركـض ولا تقضـي حـوا يجهـا قليـل مـن يـا خـذ ا لعبـره ومــن يسـمـع=و كـثـيـر مـــن مـالـهـا طـــبٍ يعـالـجـهـا = ومـن دور ا لـهـا مـلـه ومــدرج الضـلـع=يشيـب رأســه و ر ى الضـلـع يدرجـهـا و خذهـا نصيحـة يـا خـالـد علـهـا تنـفـع=أبـوك حَصـن خيـول الـوقـت وأسرجـهـا أغـرس بدنـيـاك مــا تـقـدر لـهـا وأزرع=لا بــد مـــن سـاعٍــة تـحـصـد نتائـجـهـا وليـا لـم بـك هـم أطـلـب خالـقـك واركــع=الله هـــو الــقــادر هـمـومــك يـفـرجـهـا = أحرص على الطيب فعل الطيب به أسرع=وأمسـح دمـوع ا ليتامـي مــن مغارجـهـا وعن طامن الهـرج خلـك كـن مـا تسمـع=و نـقـا لــة الـهـرج بــا لــك لا تهرجـهـا وخلـك مـع اللـى يمـيـز جــودة المصـنـع=و ليـا كبـرت المعضلـه يعـرف لمخرجهـا هـذ اك لـه غتـر تـى وعقالـي أبـا أرفــع=مـا عـود النـفـس لطفـسـه ولا أحرجـهـا عندما يتكلم الشعر وتحترق الجمل وتمتزج المعاني بالعبارات؟؟ عندها فقط.. يصبح الشعر.. هو لغة العصر..
علاجك ياهمي كل ماجيت راس الحيـد=اهوبل على نفسـي واجـر الهجينيـه لو الجرح ينزف من شرايين دم يزيـد=ابا اخفيك ياهمي ولا عرف وش فيـه اعيد بوقت العيد في ملبـس(ن) جديـد=ولاسجد الغيـر الله بحسنـه ولا سيـه على نهج واضح لا مجادل ولا ترديـد=وحسم القـرار بكلمتيـن(ن) نهائيـه ولو سادت السادات سيد وساد وسيـد=على اثارهم نقـرا راويـه اسطوريـه نهايه هرم شامخ وليل(ن) وفك القيـد=وبدايه حبر والوان وحـروف شعريـه ومعالم على سطح الطبيعة بلا تحديـد=وخيال(ن)من التفكير وخطوط وهميـه ولايستمر تمجيد مـن مابهـم تمجيـد=نوايا غدر يجهـل بهـا طيـب النيـه قنوص الزمان الي لقي في جعبهم صيد=استباحو الديار الصيد لوكـان محميـه لو الصيد راضي عيشته بين حد و حيد=لو اكبر اهمومه لقطه الحـب و الميـه ويبقى حضيض ان مد في عمره المديد=لو اجمـل حياتـه بالديـار الخلاويـه تشيد القطون وبعد ماض الزمان تعيـد=وتبقـى معالـم كنهـا اليـوم مبنيـه حياة السعـاده ماتسـاوم بكـم اتزيـد=وحياة المجازف من شموخ (ن) لمهويه لكن بيع جمله خير من بيعـة التفريـد=الياصارت البيعه علـى العـز مبنيـه
شتات أوضاع في أرض الحقيقة وإختلاف أفكار=يجازا صاحب المعـروف بالحقـران والنكـرا يقولون الزمن غـدار وأقـول البشـر غـدار=زماني هو زماني لو دمجت اليـوم مـع بكـرا أسومك ياسمو المجد لأعلى هامتـك وأختـار=وأبسط كفـي لـرب العبـاد بحمـده وشكـرا هنا أبحكي حكاية عمر جـازف للبقـا وأنهـار=وصل حد اليباس وفارق الخضرا إلـى الغبـرا ورا نرجي كفوفـك ياليتيـم ونتـرك الأخيـار=ما دامن الولي في محكم التنزيـل قـال إقـرا نتباه في فجور(ن) والمعاصي توقف الأمطـار=كليناها ربـا بكـف اليميـن وتعضـده يسـرا وراهاتصير بسمتنا خجولـة ونكسـار أنظـار=ألا يالله تبدلهـا مـن العسـرا إلـى اليسـرا أهي حصلت كذا عالم خيال ووحشـة الأسـرار=يصدقها الخفـوق ويكـذب الحكـاي والنظـرا هنا ياجب علي آقف أحسـه طـول المشـوار=تحاليل الخيال اللي جمع جمـرة مـع الزهـرا لمقام كبيرنا وقدوتنا بالشعر ابو تركي عسا تنال استحسانكم جميع
ياريس الاحزاب و الفوج و الجيش=و عميد قلعة مجـد عـزو مهابـه ياساس قوم ادخيلهم حي ما نيـش=ومن هازهم يقفي بكمـه صوابـه جيتك اسوق بيوت شعرن مراهيش=بين العسام وليـل يسـدل هدابـه وموهة شعري عن عيون المرابيش=حتا نريح مـن القشـر والطلابـه ولو ما الامن ماحط نقطه وتفتيـش=عم الفساد الارض واعلى خرابـه والطيب مجد وعز نصب المعاطيش=والسيف مايصلـح بليـى نصابـه والطير مغنيه الولي بأنعم الريـش=ويلعب على كـف الهـو وسحابـه ومن يستمع للبلبلـه والوشاويـش=يوخذ ضحى الاعيان او ينسرابـه وانت الهرم ماتستمـع لدراويـش=والطيب اهل الطيب تحسب حسابـه ووجدت شعرن لا وسايط وبخشيش=والشعر ديـوان العـرب ينحكابـه وياكثر شفنا زول يملا الدشاديـش=وياكثر شفنا شعـر حبـر وكتابـه اهداء لي ابو محمد
سعد مرسَم قلعـة المجـد ترسيـم=ولي الفخر اكتب بيـوت بلقاتـك جيتك اسوق ابيوت وضح ومجاهيم=عساي اوفي بالشعر من صفاتـك له بلعلا حومت صقورن اصاريـم=ولك وقفتن تجرح قلوبـن عدالـك اقولهـا وثبـت علـي الملازيـم=انك شجاعن والوفاء من خصالـك لا راضي الزله ولا راضي الظيـم=جمع القبيله عزهـا حـب ذاتـك ولاهي غريبه بالرجـال الاكاريـم=تبقا الاكـارم بلمواقـف حزامـك عندما تطعن من الخلف لن يدمل الجرح مهما قدمت لك من أسباب واعذار .... في بعض الأحيان يلبس الثعلب ثوب العفة ويتصيد فريسته في الخفاء ولكن ...يضل ثعلب والمكر من صفاته عندما يتكلم الصمت
عجزت لألقى لحلمي العـام تفسيـر=أرويه وأهل العلـم مـا يفسرونـه وصايـر مقابيـل الليالـي مدابيـر=ويبين لأهل العلـم مـا يجهلونـه علي مـن وقتـي ورود ومصاديـر=تعـل صبـر يابـسـات شنـونـه أركض ومركاضي خلاف الأساطيـر=لعيـون نـاس واقعـي ينكرونـه يا مصور وقت الضحى لعيني عصير=ماني بمن يرضى حيـاة المهونـة صفيت لي شرد الطـواري طوابيـر=وكدن على بالـي وجنـت جنونـه وأدركتنـي بمعجـزات التفاكـيـر=وبالي بروجتهـن تخالـف ظنونـه وردت لك دلو الروى جمـة البيـر=يوم إن طاوين الرشـى يقصرونـه ومن مأحتسى لوقت الشدايد مذاخير=لا طاح صدقـان الرخـى يتركونـه كم عـز مضيـوم بظـل المناعيـر=وكم مـن عزيـز لابتـه يخذلونـه وصبري جمر ومكابرك نافخ الكيـر=يـا نافـخ جلاسـه يسامـرونـه ما باق لنفسي على الوضع تصبيـر=وصياحي الطرشان مـا يسمعونـه أكثر من اللي صار وش باقي يصير=كسرت خاطر مـن فدنـك عيونـه ولو للخطأ معذر وللجـرح تبريـر=ما سقت لي سود الخطايـا معونـة بعض الخطايا ما تغفرها المعاذيـر=وراع الخطأ يلقـى مـن يعدلونـه لأخطيت في حقك ولا جاك تقصيـر=والواجب إن اللي يصونك تصونـه عيب علـي أتعـب وراك المداويـر=لأقفيت راضي والنفـوس مغبونـه الله يجمعنـا علـى البـر والخيـر=وألا يفرقنـا بستـر ومصـونـة. مشاركه وطنيه ورساله لي زمرة الحوثي والقاعده المخربين والمجرمين
رفرفي يارايت الحق في راس العمـود=رايت التوحيـد ترفـع بيمنـا شايلـه وبشري يادارنا دون عـزك والحـدود=مايطول حماك زمـرة خرابـن عايلـه تحت راية "لا إله إلا الله وبحكم السعود=رايتن لو مالت جبـال ماهـي مايلـه ديننا دين الرساله مهو ديـن اليهـود=وكا ن قلنا نطول وحنا يدينـا طايلـه ياعميل الشرك والكره والدين الحقـود=دون حد العـز والله دماكـم سئايلـه والله التخضع للاقدام مجبـر ومحـدود=وتخضع عوانك بذل وهزيمـه هايلـه حسبكو يغبا الخنازير وخوان القـرود=يالروافض نعـرف افكارهـم متحايلـه عجاج الخيال
كتبت الشعر في صفحة خيال وحل حلم وسـال=عن حلومن تحقق في عناق القـوم ملزومـه تخيلتك خيـال اللـي تخيـل بلخيـال خيـال=خيالن شح فـي برقـه ورعَـاده وديمومـه خيالن سار بي صوبك وفي لحضة وصولك قال=طلع نور الفجر لابـد لعيونـك مـن القومـه يطول الشرح وعجاج الخيال وشـي ماينقـال=نهاية رحلة الطرقـي ليـال أيـام محسومـه شكيتك همي الصامت على مر الزمن لو طـال=شكيتك همي اللي لو أخفـي بانـت وسومـه يتيم من الفرح جفنن كبر والدمع دمع اطفـال=تباها ويتصبـر بـس حلمـه فتـر أعزومـه اذا الحمله ثقيله والجمال الي تشيـل اهـزال=تبي تبقا مع أحمولن بقـت بلقـاع مردومـه يقال الوقت مظلم فـي طيوفـه والدجـا لازال=أقول الشمس تبقا شمس فوق الارض معلومه أضن الحيله الي مـا تبيـض جبهـة الحيـال=ضعيفه والضعاف بسوقها ماهـي بمسيومـه وطن تبقا وطن غالي ويفداك العمـر والمـال=ولكن عزتـي تبقـا بقـدر وعـز مشيومـه وطن تلقاني بجنبـك اذا بـار العميـل ومـال=وطن تبقى يديه بيض لك ماهـي بمسمومـه مقطع مقيط
يا هاجسي فكر ويـا ناظـري شـف=واحسب احسابك قبل تطوي الصحايف حاول على كرام الشـوارب تعـرف=ولاهل الوفاء خلك خـوي و حلايـف والحق واضح و العواريـف تعـرف=ولا قلت كلمة حـق مانـي بخايـف جيت بشمـوخ بعـز وبعـز منكـف=ولاني على الفايت كثيـر الحسايـف عبسي من اللي يوم الارياق تنشـف=خويهـم لا طـاح جولـه ردايــف ويااللي تخط الخط و تشـرح الكـف=فرقت فـي رايـك اجمـوع ولايـف يامدعي بالصف و يا مفرق الصـف=افقـت بالحقـد الدفيـن الوصايـف والله لـو تـفـر وتـفـر وتـلـف=الصدق شمسن ما تغطـى بسفايـف من يوم ذمك وصل ناسـن أتشـرف=بيـض النوايـا مبعديـن النكـايـف هرجك بلا معنى و تظلـم و تحلـف=شخص ازدواجي فكر بالحقد زايـف وجريت بافكـارك ضعـوف مهـرف=اللي على الدبكـة اخطاهـم خفايـف ويا اللي تغني مقطـع مقيـط لاهـف=ماينفعك شيَن علـى مقيـط طايـف على صوت الدفوف ونغمة الريشة
على صوت الدفوف ونغمة الريشة مـع الألحـان=وعلـى مـوال همـك نغمـة الفرقـا تهليـبـي على شاطئ بحر همك جنيـت اللـول والمرجـان=خذيت من الدرر حفنة عذاب ولا أنـت داريبـي هدوة موجك الهادي وفـي غفلـة مـن الحيتـان=جنيتك للحساب وإيـش لـو زانـت مشاريبـي أببعد رحلة الشاطـئ وأعيـش بعالـم النسيـان=وأبعد طيفـك اللـي لا بغيـت النـوم يسريبـي خذيت من العمر شي (ن) كثير(ن) من فرح وأحزان=وعشتك يا الشباب بعز حتى أنـه نبـت شيبـي أبنسى ذكريات(ن) شيـدت باللـوح والجـدران=وأبنسى ماجمع مـن ذكريـات ومـن مكاتيبـي ياربي راجيا عفـوك أنـا المذنـب أنـا الغلطـان=ياربـي لـي أسـرار خافيـة إلا أنـت تدريبـي إلهـي يإلهـي ياعظيـم المـلـك والإحـسـان=تهـون أمـري الكايـد ويسـر لـي مصاعيبـي شاطيء اليأس
ماغير أنا وصمتي على شاطيء اليأس=وحطـام هقواتـي بقايـا متـاعـي أصارع أفكـاري بعيـد عـن النـاس=وأضفي على حطامي مرقع شراعـي يغتالني صمتـي بحرقـة ووسـواس=يفـج صـدري ويتسـيـد نـزاعـي شفني ضحية رحلـة مالهـا سـاس=وأنا شموخـك يـا مـدور ضياعـي شفتك بكيت وقلت لك ماتـرى بـاس=رأسك عزيـز ولأنـت للعـز ناعـي إن حدتـك دنيـاك يفـداك هالـرأس=مثلـي ذراع لـك ومثلـك ذراعــي قلت إنها ضيقـة وصاحبـك حسـاس=ومديت لي شبـرك وجيتـك بباعـي وطيت لأجل رضاك طـرق ماتنـداس=وتشعبت طرقك علـى رجـل ساعـي ذاخـرك للشـدات يـا ذخرالإفـلاس=وأنت بشعور الزيف ترسـم خداعـي بغيـت ترويضـي بتقطيـع الأنفـاس=وعزت على نفسـي نزاهـة طباعـي قصيت نفسي والمدى قطع الأرمـاس=وأنقذت مـن غبـة طمانـك رفاعـي كان الفضول يحدك لجرح الإحسـاس=ماللفضـول ولا لراعـيـه داعــي هاك الكلام اللي من الـرأس للـرأس=دور شموخـك لا تـدور ضيـاعـي
عزايا كل ما امشيلي طريـق نهايتـه مسـدود=مـا يرقـى للفضـا طـيـرً مكـسـرت ًجناحيـنـه عزايا يا عزايـا يـا عزايـا بحضـي المقـرود=تـنـاول معطـفـه وأردفـلـه الحـنـات بونـيـنـه إلى متـى نمشيهـا نقـول سهـود وإلا امهـود=إلــى مـتـى نمشيـهـا نـقـول الـحـظ يـازيـنـه صبرنا يا حماة الدار وأصبح طيبنـا مجحـود=تهـاون والتطـاول بــان واضـحـةً عناويـنـه وراكم يا حماة الدار يا ساس الكـرم والجـود=تركتـم للعـدو ثغـرة شمـات ونـاس مسكيـنـه لا والله مـا نمشيـهـا ســلامً والنـقـا مــردود=نوردها علـى عـد الـروى وابليـس مخزينـه ترى حنا قطعنا شوط مكلـف والعبـاد شهـود=وحسـاد البـشـر بنفوسـهـم حـسـدً موزيـنـه نبي وقفة لها التاريخ يشهد والنفوس اتهود=ونبي نقطـع يديـن اللـي علينـا شـال سكينـه ترانا ما خذلنـا يـوم وقـت السيـف والبـارود=لنـا تخضـع همـام الـروس وأمرنـا امـشينـه ألا يـا حـظ تكفـى شـد حيلـك مـا يفيـد رقـود=تعنـز فـي سـنـام الـعـز والنـومـاس يازيـنـه
تعلمنـا مـن دروس الحـيـاة الصـبـر والتشمـيـر=ولا نرخـي هـمـام الــرؤس غـيـر لربـنـا الـبـاري وأخترنـا دينـنـا عــن مغـريـات الكـفـر والتكفـيـر=لــو أن المعطـيـات تشـكـك المـأمـوم بالـقـاري إوالله مـا بقالـي مـن حطـامـك يازمـانـي غـيـر=ألآم وذكرياتـن عشتهـا فــي طــول مـشـواري أجاهـد همـي اللـي مـا توقعـتـه عـلـي يصـيـر=وأجامل مع صديقي لا سأل عني وش أخباري عرفتـه مـن صغـر سنـي والحيـن معـاي كبـيـر=ألا ياحلـمـي الـلـي مايفـسـر فـيــك مـحـتـاري هنـا يبـدأ الحديـث وتعقـد الجلسـات والتفكـيـر=أصالـح كيـف أصالـح مـع زمانـن قــل مـقـداري إذا أني في حياتي ما عرفت البخل والتقصيـ=يـاربـي فــرج همـومـن عـلـي وخـفــف أوزاري ألا يامنجـي يوسـف وهـو مرمـي بـذيـك البـيـر=تعيـن الصابريـن وبالعنـا مــا يـطـول مـشـواري
ابعـدعـنـك ؤاشـتــاق لـــك واتـمـنـاك=واعيـش فـى ذكــراك ويـزيـد خـوفـى يصعـب علـى اعـيـش عـمـرى بلـيـك=واقـبــل بـعــذرك لاتـطـيـل الحـلـوفـى ظـروف وقـتـي مااسمحتـلـي بـرويـك=ارجـــوك سـاعـدنــى وقـدرظـروفــي يهـون موتـي بــس ماتـهـون فـرقـاك=يـــوم الـــوداع ويـــوم شدالـكـفـوفـي احـلـى ابتسـامـه شفتهـافـي شـفـيـاك=ودي بوصفـك بــس تعـجـز حـروفـي لــك طـلـه كــن القـمـر فــي مـحـيـاك=لـنـور بـوجــودك يصـيـبـه كـسـوفـي انسى هلى ونسى وطني بس ماانساك=انــت هـلـي انتوطـنـي انــت شـوفــي
النـاس غيـر وحـبـك بــد نيـتـي غـيـر=حـبــن مـقـسَـم بـيــن قـلـبـك وبـيـنــي حبك مد ينه ضمت اعرو ش وقصور=حـبـك حـيـاه وعـمـرهـا يـحـتـو يـنــي حبـك يبـدل ضيـقـت الـصـدر بـسـرور=حـبـك يـحـرك كــل الاحـسـاس فيـنـي حبك عذاب ومفارفك صعب مايصيـر=وشلـون عنـدي بـس صعـبـن تجيـنـي حنـا زرعنـا حـب مـن عمرنـا صغيـر=الــحــب يـبـقــا دامــنــا مخـلـصـيـنـي حـبـك تـرسـم داخــل القـلـب محـفـور=وتشهـد علـى ماقـول عبـرات عيـنـي ومدامني ياصاحبي مااسمـع الشـور=مـن واجبـك ماتسمـع الـشـور فيـنـي وان كانهـو بحبـك يقولـون مسـحـور=انــا دخـيـلـك بالـحـيـاه اسـحــر يـنــي
والله انه ماذبحني غيرشـوف الحاجـب=حـجــاب الـلــي لاكبيرولاصغـيـرسـنـه من تولعت بهواهـا راح راسـي شايـب=من رهيفات الشفايف والنحر وش كنه كنـه البـراق ظلماءاللـي قمرهـا غايـب=لويـقـال الـمـوت هــذا قـلـت لاماعـنـه والثنايـا تـقـول ثلـجـن تومـاهـا ذايــب=ياعسـى بنـات صيـدا وسوريـا يفـدنـه لواتـوب ليـا نظرنـي قلـت مانـى تايـب=الله انــه لا يواخـذنـي ويسـمـح عـنــه السـلام يقـال سـنـه بــس رده واجــب=ليـتـه الـواجـب ورده يابوخـالـد سـنـه
فــرقـــا وداع أخـرعـلـومــن أكــيـــده=دمــوع هــم وحــزن بـعـيـون نـعًــاس وكتـبـتـلـك مــــن دم قـلـبــي قـصـيــده=حروف من دمي على سطور قرطاس الـقـلــب يمـلـيـلـي بـنـبـضـة وريـــــده=والعين تجمع بين فكـري والاحسـاس تبقـا لـنـا ذكــرى اللـيـا لــي الشهـيـده=الـــي تـوفــة قـبــل تـهـنـى بـالـنـفـاس وشرحلـك ضــروف الـزمـان العنـيـده=تشوفـنـي حًـيـن ولانــي مــع الـنــاس
لاتقـول عنـي ماأنـت داري ولا شــئ=يـشـهـد عـلــي الله مــانــي بـنـاســي لياغبـت عـنـي غـابـت افــراح قلـبـي=واللـي خلـق شـم الجبـال الـرواسـي مثل الشجر يحتـاج للشمـس والـري=أحـتـاج لــك لياحـطـم الـهــم بـاســي مهـمـا تـقــول تـقــول أقـــول تـــدري=حبـي لـك أكبـر مـن مـقـاسٍ يقـاسـي بــدري عـلـي أنـسـاك أقــول بـــدري=وأن جاء نهار أنساك لاعاش راسي لـكــن لاتـسـاعـد ضـروفــي وهـمــي=محـتـاج لــك محـتـاج يابـعـد نـاســي تعـبـت أجـمـع بـيـن هـذيـك مـــع ذي=طبـعـي مكـابـر لـكـن الـوقـت قـاسـي الـهـم رحـلـه والشـقـا صـايـرن لــي=تـعـبـت يـاوقــت الـنـكــد والـمـآســي
عيشة مابين ضنك وبين هما=تجعل الرجال ينكر فعل ذاته صارت أيام العمر جول يرمى=مايعزي بالطياح شريداته شاقني غصن على دجلة منمى=ينعم بدجله ويحلم في فراته ليتني ياسيدي ما جيت لمى=جيت لك والدمع جايد بعبراته والله إن لي في وصالك يالمسمى=مثل مايلقى المصلي في صلاته من عروس الذكر لآخر جزء عمى=خاشع بتلاوته يطلب نجاته
ابرحل عنك وين ارحل وانا في عالم الثقليـن=مدام الكون هو الكون و الكوره هي الكـوره
غلب حبك غلب همسك على مر الزمان الشين=ماعشت الاحظه الي خالين من طيفك حضوره بحلوم الليل جيتي واستمرة فرحتـي يوميـن=على أياة حالن يـا حلـوم الليـل مشكـوره تصدق ياصدوق إحساس لوتدري تعادل ميـن=تعادل نفسي الي في وجودك حيـل مسـروره أحس أنك جزو مني أحس أنك نظـر للعيـن=تشوف النفس في لقياك بالافـراح مغمـوره أحسك في حياتي شي غالي بـس لوتدريـن=إلياحاولت أشيلك من خيالي تكبـر الصـوره كسبتك هم مدري حب مدري معك رايح ويـن=فديتك بس نفسـي معـك منهيـه ومامـوره
آخر تعديل بواسطة مسندالعويمري ، 10-05-2010 الساعة 02:09 AM.
|
|
|
جديد اتمنا له قبول
بين صدة رفيق وبين غربـة زمـان=أستمديت من جـرح المفـارق صبـر
استمديت صبري الاجل مخسر مكـان=والأجل ابقا بعينيك مثل منـت تخبـر كم رفيقن تردا قلـت كبـوة حصـان=مثل ما دلـو مغاضـة محيـط البحـر ياصد يقي ونا آسف كنت أحسبك عنان=كنت أحسبك عضيدي كان شان الدهر قبل ننشد عن الي كان في وقت كـان=وقبل ترحل بك الذكرى وويش اتخبـر ليه طار الحمام وليه عـاف الغصـان=وحل بلغصن مدهـال الحمامـه وبـر كنت أشوفك مقام وكنت أشوفك كيـان=واتضح لي ضحاح اوهام منهـا عبـر بان وجه النهـار وكـل ماكـان بـان=صدق من قال لابكـره يجيـك الخبـر من يعاون مع السئئه بمحي الحسـان=ماعرف اخر المطـاف مـوت وقبـر لو سكن بلمعال العمـر مالـه ضمـان=اخر الوقـت داره بيـن متـر وشبـر وكان درسه يفيده ساعـت الامتحـان=الله علم علـى حـد السـراط يعبـر ويارفيقي قبل دلـوك تجـره سـوان=اعرف البنـت يستـره خيـاط الابـر من رضا بلمهان ومن سكـن بأطمـان=ماتعلـى شــداد ولاتـعـلا وكــر جعل فدوه المن زينه يداعـب حنـان=ناحلات الخصور ومرزمـات الصـدر وكان شان الزمان وصاحبي معه شان=العوض في دواتـي والقلـم والحبـر
آخر تعديل بواسطة مسندالعويمري ، 29-10-2010 الساعة 03:58 PM.
|
|
|
هـــلا وغ ـلأأ
ببو خ ــالد عزالله انك ابــدع ــت باالملتقطات أبو خـالد صح لســانك واع ـتلا شــانك وبيض الله وجهك و للأمانه مااقد أقـتبس شي معين لان كلهم حلوين وتسلم ولاهنتـــ
|
|
|
شكرا على هالدرر ..
بملء فم اللغة .. واتساع اذرع الفكر ..
|
|
|
|
|
|
:::
:: : اللة اللة كتبت فاأبدعت وأمتعت ياأباخالد تحياتي لشخصك الكريم..
|
|
|
يامسند يامسندي
كتبت وابدعت في سطور الشعر واجزلت بمعاني الشعر امتعتنا بهذة الروائع الشعريه صح اللسانك
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
الساعة الآن +4: 01:02 PM.
جميع الحقوق محفوظة شبكة بني عبس
