[سيف عبس]

يامن جرحت القلب والنفس تبغاك=بمثلثك ضاقت علي الزوايا
<مثلث>...أضلاعه:غموضك.. ورجواك...=وطعناتك....اللي لك بقلبي بقايا
تضيق بي دنياي وألجاء لدنياك=لين إنها بقلبي تبين الخفايا
وأشره على شرواك والطيب مجناك=وألا الردي...منبوذ بين البرايا
قدرك...وشرهاتي...وجرحي...وفرقاك=سون بمخدوع النوايا...سوايا
تكبر بك الهقوات لامر طرياك=وأجرد أوهامي وتصبح عرايا
وتكبر بحقي غلطتك...وأقعد أدراك=لو الخطاء منك بعشرة خطايا
سلكت لك درب الرضاء...ودي رضاك=وزاد الغضب...يوم إخذلتنا النوايا
أبي الجواب اللي يعزز لمبداك=لأنك عزيز ومنزلك بالحنايا
تكفى...عساني عند هقواتي ألقاك=عجل...ترى جروحي بقلبي ندايا
أما يعيش العذر...وأقتل خطاياك=وألا بموت العذر...تحيا الخطايا
وإن كان باقي لي طلب عند شرواك؟=أطلق سراحي من مضيق الزوايا.

{يوسف بن شلاح الرشيدي}

الموضوع الأصلي: (مضيق الزوايا) ليوسف بن شلاح | | الكاتب: سيف عبس | | المصدر: شبكة بني عبس

[الفتى الرشيدي]

صح لسانه ونشوف بالمستقبل شاعر مشهور يارب

[غاليه]

صح السانك وعلا شانك .. تقبل مروري .. تحياتي ..

[مرزوق العجوني]

صح لسااااانه ولا هنت على نقلها لنا تقبل مروري

[ابو براك الرياض]

بارك الله فيك

تحياتي لك وتقديري

[سيف عبس]

الشكر للجميع على مرورهم.

الله لا يهينكم شرفتم ولا كلفتم

[سيف عبس]

اقتباس من مشاركة الفتى الرشيدي صح لسانه ونشوف بالمستقبل شاعر مشهور يارب

صح بدنك اخوي
شكرا لك