[سعد الشقل]

ببيت لشاعر من القبيله في كل محاوره وبيت هذي المحاوره للشاعر الكبير / محــــــمد الــردعان الرشيدي
والذي يقول فيه,,

حنا نبي ذيك الليالـي والليالـي ماتعـود=لو كان عادت كان بن ردعان ما جاله حلي

صالح المنصور

يامرحبا ترحيبتن يرقا لها النايف سنود=عند الرجال الي لها بالمجد مرقابن علي
ماطار طيرن ورتفع الا مطياره يعـود=والوقت ماضي مانوا رد الزمان الاولي

ابو عوجه

ابك البقي ياصالح المنصور جعلك بالوجود=لعل حظك كـل يـوم وكـل ليـل ٍمعتلـي
البرق يبرق بالخيال اللي مانسمع له رعود=مدري متى برق الخيال اللي نشوف يسيلي

صالح المنصور

لو قلت لشايب ياعود يقول انـا مانـي بعـود=وش يزعل الشايب علي الي فات بالوقت الخلي
تبي تحصل مع مسيل السيل لعيونـك شهـود=مادام ماقنعك شوف السيـل والمخـرج ملـي

ابو عوجه

دنياك تأكل بالبشر والنار تأكل من وقود=والعمر يقصر واليالي والسنين اتطولي
انا نويت اضيعك بين الصوادر والورود=اليوم لونك تخفى بنت لشايـب علـي

صالح المنصور

اخراك ياعبد اتدارك بالركوع وبالسجود=ماينفعك كثر اللهو ماينفعك لبس الحلي
انا تري رجال مايمشي ورا راي القرود=القرد لوانه يويق شوي بكـره ينزلـي

ابو عوجه

لاوالله اللي روح المعنى وبيحت السـدود=السيف ماهو مع جهينه يذكرونه مع بلـي
عوجك ابو عوجه وشالك لاتفسر بالعضود=وانته من اول منت ياصالح من الشكه خلي

صالح المنصور

ماراح من وقتك هفا مهفاه مع عاد وثمـود=لو تنزل الدمعه علي خد ابرهه تغلي غلـي
اسمع كلام الي قطع راس الجمل وابقا القعود=ولاحدن محاسبني علي ملكي ولاراس جملي

ابو عوجه

ألانبياءورسل ماتت والصحابـه ياحمـود=وانته على رزقك بعد مفروض ماتستعجلي
اقطع بعد راس القعود اللي مقيـد بالقيـود=لاكن تراء راس القعود يشابه الراس الطلي

صالح المنصور

الي نسيته من وراك اتذكرك فيه اللحـود=وكانك تحسبه منجلي تراه ماهو منجلـي
انا دافع حسابك كاش وموثق عليك اعهود=مير الطريق ايمين لا تغرب ولا تستشملي

ابو عوجه

كل ٍيحاسب بعمله حتى النصارى واليهود=وانته عملك اللي معك مايدخل فيه اعملي
يالدافع اللي تدفع احسابك ولاعندك نقود=تراء الله الوالي ولاغير الله الوالي ولي

الموضوع الأصلي: محاورة صالح المنصور+ ابو عوجه بيت الشاعر الكبير محمد الردعان | | الكاتب: سعد الشقل | | المصدر: شبكة بني عبس