[سعد الفلاح]

العويمري

سلام رديه توفى الكيل وتحط وتشيل=تجنب العد الشحيح وتارد العد الروي
ياصاحبي ياصاحبي مافي شي(ن) متسحيل=ويق الجبل لو الجبل في اشهب الذيب يعوي

عيسى الرشيدي

يامرحبا والله يديم اللي لنا ســـيفن صقيل =والــلــي ورد هداج تـيما بـذن ربـي يـرتـوي
اللي نوي قطع المسافه ينتظر فزعة زميل =حتى يقولون العرب نعم الخوي نعم الخوى

العويمري

انا ادري انك منت بالحالك مع الدرب الطويل= ما يزاحم اهل الماء على الماء غير من حبله قوي
ترعد وتبرق والمطر يمطر على القاع ويسيل=وان قام حضك ماحسبت حساب مضحي وضحوي

عيسى الرشيدي

ماني لحالي والعرب حولي وكلن له دليل = عيني تراقب راقي المشراف واللي منطوي
يسقيك يادار العرب وبلن من القبله مهيل = وبل ثروي وبها الرعد ياصاحبي يدوي دوي

العويمري

حنا بعصر العولمه وكلن بمكياله يكيل=السالفه ماهي بسيف وبندقيه يا بدوي
لو كل مخلوق على مله ابراهيم الخليل=مانبتلش بالعله اللى مالها غير الكوي

عيسى الرشيدي

أهل التصنع والحداثه والبدع في كل ليل=أخبارهم ماتنطبخ مانتقلي ماتنشوى
مايخذل الرجال وقت الضيق واسمع ياعميل=ياكود هقوة محزمن راخي وفزعة ملتوي

العويمري[/CENTER]

الناس لو تحكم قبل لا يقطع الشك الدليل=ماوالله تحصل على هل كون ياعيسى سوي
ماني على ذريه ادم يا ابيض الشارب وكيل=الناس فيها الملتزم يا صاحب ي والفوضوي

عيسى الرشيدي

مايعسف اقلوب الرجال أهل الوفى غير الجميل=قلت الحقيقه وانت هرجك يطوي الطرقه طوي
إليا بغيت النقض ويا الفتل والمعني الجزيل=ارد علي هداج تيماء لا تجي بير الحوي

الموضوع الأصلي: تنسيق محاورة العويمري وعيسى الرشيدي | | الكاتب: سعد الفلاح | | المصدر: شبكة بني عبس

[سعد الشقل]

الله الله صح اللسان الشاعرين

العويمري .. وعيسى الرشيدي


محاوره رائعه وجميله وسلمت على التنسيق يالزميل..//

[بحــ الخليج ــر]

بيض الله وجهك يابو فلاح اختصرت علينا الصفحات ونسقتها الله يعطيك العافيه
وصح لسان الشاعرين المتمكنين

[عبدالله الفلاح]

بيض الله وجهك يامشرفنا سعد الفلاح
وصح اللسان الشعراء

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي

[العـونــــــــي]

(((بيض الله وجيهكم )))
يا( العويمري) و(عيسى الرشيدي)
والى الامام

[ناصر عبدالله]

الله الله صح اللسان الشاعرين

العويمري .. وعيسى الرشيدي


محاوره رائعه وجميله وسلمت على التنسيق يالزميل..//

[بن عدله]

بيض الله وجيهكم كلكم ابدعتو وانشالله نرى الكثير من ذلك
اخوكم بن عدله راعي السوده