[سعد الشقل]

الصاروخ الموجه

أول أسمـك جـح وأخــر حــروف أسـمـك جـحـش=وبـكـره اسـمـك يكتبـونـه مــع الأسـمـاء الـكـبـار
ماتـعـرف مــن الـلـغـه غـيــر قـولــة حـــر وأش=اأن صغرت أسمك جحش وان كبرت أسمك حمار

الجحش

اول احروف اسمك الصّ إصّ قبل امرشك مرش=ثم بعده يكتب اسمـك مـع الاسمـا الصغـار
انـت عرفـك قسقسـه لا تهـش ولا تنـش=وأمّا انا جيتك جحش وأن كبرت اجيـك عـار

الصاروخ الموجه

جر صوتك وارفع اذنيك جعلك للطرش=خل بوريك مثل صــوت بـــــوري القطــــار
لاتناخر ثم يدخل بمنخـــرك الحنــــــش=جاك اسدن مفترس وادخلك في جوف غار

الجحش

انت تدعي والدعا ماركة عجز الحبـش=والبواري عند خشمك لها عج وشـرار
الحنش منهو معه يابو جنب احمر وهش=ابتعد قبل الجحش ينتحر فيـك انتحـار

الصاروخ الموجه

انت ياجحش الحبش حط خشمك بالمرش=فجرك صاروخ مايكشــــفــه حتـــى الادار
لعنبو ذالخشه اللي ماهي مثل الخـشـــش=تأكل اللي من ورى البيت وتجيب البدار

الجحش

انت صاروخك عوج ثار منك وفيك خش=وانت غا يب ذهن لين انفجر فيك انفجار
لعنبو ذا الوجه عوّذ من بليس وتعـش=رز طازه ينحدر مع زغادمـك انحـدار

الصاروخ الموجه

ياجحش صاروخنا بالوصوف اعوج حرش=وكان وجهناه يفتــــح بماعتـــك مطـــار
انت تأكل دايماً عيشــة الاعمــى الهـــقــــش=وانت خشمك خشم زنجي وذيلك ذيل فار

الجحش

اكد الموضوع الافقس وبالوضـع ابتلـش=افقـسٍ دمّـر حياتـه ودمرتـه دمــار
وأنت تاكل من ورى الناس مثل اكل الدبش=وأن ظغطتك ينطلق مع فمك مثل البخـار

الصاروخ الموجه

اسمعو ياناس رد الهكارى والكــــدش=والجحش ياقف على درب وراد البيار
خارشينك مثل من ورط فينا وانخرش=وقيرك المنغاز في غاربك ليل ونــهـار

الجحش

انت بير الاطرم الي قبل بير ام عش=كل وارد ياردك من يمين ومن يسار
مابقا الاّ نحملك حمل من فوق النعش=وانت فاقد ذاكره لا تحس ولا تغـار

الصاروخ الموجه

لو شربت البحر كله تموت من العطش=تشرب الماء ثم يرجع على وادي قفار
وفيك حبة خال طول الدهر ما تنقرش=والله اللي ميزك بالركاس وبالهجار

الموضوع الأصلي: الصاروخ الموجهه × الجحش | | الكاتب: سعد الشقل | | المصدر: شبكة بني عبس

[خالد الداموكي]

السلام عليكم ورحمة الله وبركاته

[خالد الداموكي]

هذي المحاوره ولا بلاش
هب يالجحش انا اشهد انك عميد الشعرا
لصاروخ انا اشهد انك ماقصرت ونك صاروخ سام
الاخ سعد الشقل تشكر على التنسيق والجهد بيض الله وجهك
اخوك خالد الداموكي

[الجحش]

شكرأ سعد الشقل بيض الله وجهك على التنسيق

[بشيرالشويلعي]

ياشين اسمائكم وياحلو لعبكم

الله لا يحرمنا منكم


تنسيق رائع وشعراء اروع

[عبدالباري عبدالعزيز]

الله الله ،،أقول يالجحش عليك خطر من الصاروخ الموجه
الصاروخ هذا كارثة ، لاقرب الله داره ، حامل رؤس نووية وخبير بحروب الإبادة ، ولو ماكنت ضد الخدوش وعالم بالعالم النووي لما استطعت الخروج من هذه الأزمة،
وإنني ألفت عناية الأخوة المشاهدين والمستمعين والشعراء إلى أنه يجب الحذر والإبتعاد عن هذا الصاروخ وإبلاغ الجحش عنه حينما ينطلق من منصته الرئيسية إلى أهدافه، مع ضرورة تشغيل الإنذارات التحذيرية ،

صاروخ من وجهه خاين وغدار= أهب عزالله إنه خوش صاروخ
لكن عوافي يالافي صار بحمار= أهب ياهالجحش وداه للكوخ

[عبدالرحمن العويمري]

بيض الله وجهك يالعميد الشعراء دايما تبيض الوجة
مع ان الصاروخ ابوخدوش هذا خطير لكن انت ماعليك خوف ما شاء الله عليك

[بنت العبسي]

ماشاااااء الله حماية الله حولكم يارب

رائعين والله يحفظكم من اروع واقوى المحاورات الله يسعدكم

تحببون العضو في متابعتكم ....... الف شكر اخوي سعد ....

على تقديمها لنا بشكل احلى واسرع في التصفح