[السااااامر]

مساكم الله بالخير جميع قصيده من اجمل ماقرات وحبيت انكم تطلعون عليها لشاعر النظم والمحاوره وصل العطياني العتيبي ويقول فيها:
خوّة عزيز الأصل تبقى كما الشيك
حتى لو أنه عـن ديـارك تنحّـى
وخوّة خبيثين الطبوع الصعاليـك
أقْصر من مفلّى الغنم فالمضحّـى
واللي على شأن المصالح يخاويك
ليا انتهى منها ؛ بصحبتْك ضحّـى
واللي يبيعـك لا تحـرّاه يشريـك
والمزن لن جات العواصيف صحّى
وياللي ابليس مفشّخٍ بيـن أذانيـك
قلبك عليه ستـار مـا ينتصحّـى
بالهرج تقفانـي وتنفـخ علابيـك
هذي رجولة نعنبوا ذا الملحّـى ؟
أنا ليا منّي بغيـت الحكـي فيـك
هرجت باللي فيك وأذنـك توحّـى
ألقاك قـدام الرياجيـل وأعطيـك
كلمـة بسبّتْهـا نسمْـك يتفـحّـى
رحنا على افواه المهبّل مساويـك
وحلوقهم من وسعها مـا تسحّـى

الموضوع الأصلي: رحنا على أفواه المهبـّـل مساويك | | الكاتب: السااااامر | | المصدر: شبكة بني عبس

[أميرة البنات]

تسلم ع نقلها

لاهنت

[السااااامر]

اميره البنات

الله يسلمك من كل مكروه ومشكوره على تواجدك

[ابن شلال]

الله الله عز الله انها قويه وان شاعرها شااااعر صح لسانه وصح ذوقك

[السااااامر]

ابن شلال

ارحب ارحب وصل شاعر وانت متذوق شعر

[الفحــل]

صح اللسان زميلي المبدع والغالي وصل ولاهنت على النقل

[بروفسور الشعر]

انا الي مني بغيت الحكي فيك؟

ماقول غير صح السانك وبيض الله وجهك
قصيدة جزله

تحياتي لك

[السااااامر]

الفحل صح بدنك والله يسلمك ويعافيك على تواصلك