[مرضي الداموك]

ياوجودي كل ماهب نسناس الشمال=وجد من حدّه زمانه على اللي ما يبيه
وياوجودي كل ما ضحيت ثم مال الظلال=لاغفت عيني ولاذقت شيٍ مشتهيه
وجد من قفّى وهو في رجا كلمة تعال=والتفت من عقب مااقفى ولحدن لدّ فيه
وياعذابي لادنا الليل من روس الجبال=وانتهى يومٍ من العمر ماعاد ارتجيه
وانتي ابعد من سما الحلم ووصالك محال=يابعد من هلّ دمعي ضحى الفرقا عليه
ياغناتي لاتحسبين دمعي يوم سال=ضعف والاّ خوف والاّ كذا والاّ كذيه
والله اني من رجالٍ يضدون الرجال=لكن الحظ الردي ساق دمعي كلبيه
والله اني كل مادار حوليك الجدال=قمت كن الموت يشر على قبري يإيديه
والله ان قد لي وانا اصد لاجالك مجال=صدّت اللي لاتضايق تذّكر قبر اخيه
ومن سألني قلت مدري واذا عاد السؤال=قلتله تكفى سؤالك ترى ماهو وجيه
وش تبيني اقول عماََ ترى ذبحي حلال=والخطا منها علي صرت احبه واهويه
عذرها لو ماتعذر مثل واضرب مثال=واحدن مايعرف الحر الأشقر يشتويه
وان رجعنا للتواصيف لله الكمال=لا انتهى ليل المزايين جاتك تبتديه
كنها غفلٍ مع البدو طاويها الحيال=ما يميز وصفها الاّ نبيهٍ من نبيه
واهني اللي وصلها وذاق امن الزلال=رشفةٍ مع غفلة الناس من فيها لفيه
واعزتي للي سواتي عشق ما لا يطال=ويوم طاله ضيع الحلم بين أمه و ابيه
يااول احلام الطفوله على حد الخيال=الرجا بللي حمى البيت من حملة بريه
حال دونك سيف عنتر وتاسع حول حال=باثر حولٍ حال دونك وانا ادعي هيه هيه
هيه يللي غرك الحسن واطغاك الجمال=والله ان اموت ماشفت لاوصافك شبيه
لو يسام الحسن والتيه بجنيه وريال=مابقى في سوق غيرك لا ريال ولاجنيه
كيف اهدك للمقابيل وانتي راس مال=راس مال ومال والماال مايعطى السفيه
حافظك حفظي لعيني ورمشي لك جلال=وانتي تشحّين بالما وانا شفّي مويه
شايفن ظلمك وساكت وطال الليل طال=لاتركتي طعن قلبي وانا ماقلت ليه
لو بقا للهيل صبرن على فوح الدلال=مابقى للقلب صبرن على شيٍ يجيه
كنت احسب ان الغلا زال واثره لايزال=في الحشا ماكنه الا دخيلٍ في وجيه
ساقني حبك على الموت وسنيني هزال=والظروف اقسى من الظلم للعرض النزيه
وانتي تسوقين عقلي على حد الهبال=تحسبين ان من بغى شي يقدر يشتريه
والاّ انا ياوجد حالي وجودن مايقال=وجد من ضحى بغاليه لرضا والديه
وياوجودي يااول العمر قبل ألبس عقال=وجد من باع آآخر العمر في رغبة ذويه
وياوجودي كل ماهب صوتش من شمال=وجد من حدّه زمانه على اللي مايبيه

الشاعر ضيدان بن قضعان


تحيتي لكم مرضي الداموك

الموضوع الأصلي: ياوجودي //ضيدان بن قضعان | | الكاتب: مرضي الداموك | | المصدر: شبكة بني عبس

[فيصل الرشيدي]

لا هنت وصح لسان الشاعر


ربي يوفقك


تسلم عسى تسلم من الشر يمناك

على نقل هذه القصيدة الرائعة

[بندر الذيابي]

صح لسااااااااااان الشااااااااااااعر


ومشكور اخوي مرضي علي النقل الرائع والموفق


تقبل شكري واعجابي بالقصيده


دمت بود


اخوك


بندر الذيابي

[مرضي الداموك]

اقتباس من مشاركة سيف عنتر لا هنت وصح لسان الشاعر ربي يوفقك تسلم عسى تسلم من الشر يمناك على نقل هذه القصيدة الرائعة

الله لايهينك

وأشكرك على ألأطراء الجميل

وتسلم من كل شر

تقديري وأحترامي لك

[مرضي الداموك]

اقتباس من مشاركة بندر الذيابي صح لسااااااااااان الشااااااااااااعر ومشكور اخوي مرضي علي النقل الرائع والموفق تقبل شكري واعجابي بالقصيده دمت بود اخوك بندر الذيابي

أشكرك على مرورك الرائع والمشرف أخوي بندر


الله لايهينك


تقديري وأحترامي لك

[الجـــــادل]

صح أحساسك اخوي مرضي

وصح لسان شاعرها ضيدان العجمي

اختيار موفق لقصيدة رائعه

تقبل تحيتي

اختك الجادل

[بدر الحشية]

صح لسانك ولسان الشاعر ضيدان
الف شكر لك على حسن الاختيار والنقل الرائع

[الاجهر]

قصيدة رائعة ونقل اروع وممتاز

ماننحرم منك حبيبي