[مسموح يالغالي]

مصافحة جديدة بعد غياب




وجه الطريق

على وجه الطريق اللي من أرهاق السفر ملفوح=سراديب الظلام تحاكي الساري عن السيره
وأنا ومعاتب الدنيا بقصة منهو المكدوح=وحل الليل في وجه القتيل وزبن الجيره
هلا بالليل دام الليل للعشاق ستر البوح =هلا به كثر ما باها صباحه في عصافيره
تفضل وأسدل ستارك بسر(ن) بات لك مفضوح=عجز عنه الكلام وخانت حروفه وتعبيره
يا ستر أسرار خلق الله خطايا غيبتك مدموح= وأنا لولا الغلى ما سقت لقدومك تباشيره
عشقتك ليل وأبديتك خفايا قلبي المجروح=ولي في وسط صدرك فضل تهليله وتكبيره
أنا ياليل وش لي من بقايا صوتي المبحوح=إذا حتى صدى صوتي أفل ماعاد له ديره
دخيل الله من حمل(ن) يشرح ضامر(ن) مشروح= كريم الكف من فقره سعوا ربعه لتصغيره
على ويش الجفاء ياحظ والشاقي شقاه يلوح= بكف (ن) داميه ترقى الصبر ومجامل الحيره
وعلى ويش الضمى جرح لهات الضامي المكبوح= يعيش بلهفة الضامي ولا يارد على بيره
أبصبر لو سراب المي في عين الضرير يفوح= وبأجعل صدري الملفى لهم(ن) طال تدويره
على وجه الطريق اللي من أرهاق السفر ملفوح== تعبت أناظر الساعة وقلت أفضها سيره

الحسن عبدالله القحطاني

الموضوع الأصلي: على وجه الطريق | | الكاتب: مسموح يالغالي | | المصدر: شبكة بني عبس

[(ابوعواض)]

صح لسآن شآعرهااا ولاهنت ياناقلها


بوح واحآآسيس رائعــــه

دمت بخير

[مسموح يالغالي]

صح بدنك

وهذي القصيده لي وليست منقوله


للتوضيح

[شداد المظيبري]

صح لسانه شاعر
وابيات رائعه


مشكووور مسموح

[مروان الرشيدي]

صح لسااانك مدد بلا عدد

قصيده رائعه كروعة ابياتك

"
"
"
تحياتي

[فلاح القعبوبي]

الله عليك ...قصيده روعه

صح لسانك ....وبيض الله وجهك

[ذيبان الرشيدي]

الله درك من مبدع
صح بوحك ونّظمُك

شاعر تُرفع لك القبعه
أهلاً بك في مضاربنا ايها القحطاني النبيل الاصيل

تثبت
أيها العذب

دمتَ
بخير وعافية

[مسموح يالغالي]

لكم من الشكر جله

ومن التقدير كل مقدر


وشكري موصول لأخي الحبيب ذيبان وبيض الله وجهك على التثبيت

الذي قد لا يستقحه النص ولكن الطيب ما يستغرب من موطن الطيب




الحسن القحطاني