[الوجدان]

قصيده للشاعر : مقحم الحربي


يا شاربين الكيـف هاتـوا دلالـه
مايستوي كيف(ن) بليّـا معاميـل

لا تخلفون الكيف عن ما مضى له
خلوه يبقى كيف وانتـم رياجيـل

هاتـوه بدلالـه وهـذا جمـالـه
ولاّ اتركوه وحافظينـه مشاكيـل

تراه لـه شـروه وذوق وشكالـه
ماهو سليق(ن) يشربونه مهابيـل

الكيـف غيـرتـوه واعزتـالـه
دارت دواليب الدهر فيـه بالحيـل

يحمس بصاج وبدل النجـر بآلـه
ما باقي(ن) من رسمه إلا الفناجيل

يا مخلفينـه عـن بهـاه ودلالـه
وش فايدة دفع الدنانيـر بالكيـل

إن كـان رغبتكـم بحبـه لحالـه
سَفّه من الراحـة وحتـه بمنديـل

أخير مـن سوقـه بدلـة نذالـه
غماَ تقل خرطومها منخـر الفيـل

ماهي لدسمين الشـوارب نفالـه
ولا يستوي في بطنها حطت الهيل

الهيل كيـف معطريـن السلالـة
ذباحة الخرفان مع دمّـس الحيـل

تلقى على حيـد المنـارة حثالـه
أما العشاء ولا بعـد تالـي الليـل

ينثر حثاله عقـب شربـوا زلالـه
وعقب السوالف كلهـا والتعاليـل

سوالف(ن) ماهي سوالف رزالـه
والا علوم ملفـق القـول والقيـل

في مجلس صف المصافي بجالـه
مثل البطاط اللي على ناقع السيـل

ماهي علـوم مضيعيـن الرجالـه
يبون روس وعوّدو للبشـر ذيـل

ناس(ن) تميل من الكسل للهزالـة
تعلمـوا فـن الكسـال المهازيـل

غزو(ن) تغشاهم وقضبوا جلالـه
زيف(ن) درج سيله وجوله مقابيل

والسلم الأول حل سلـم(ن) بدالـة
والجيل الأول حل عقبه بعد جيـل

حتى العوارف عـودوا للجهالـة
في البيت شايب واحرفوه الجهاهيل


وسلامتكم



انشاء الله تعجبكم



نراكم على خير

الموضوع الأصلي: يا شاربين الكيـف هاتـوا دلالـه//مايستوي كيف(ن) بليّـا معاميـل | | الكاتب: الوجدان | | المصدر: شبكة بني عبس

[فيصل الرشيدي]

والسلم الأول حل سلـم(ن) بدالـة
والجيل الأول حل عقبه بعد جيـل




أكيد بتعجبنا دامها من اسم الوجدان


الله يعطيك العافية على مشاركتك واختيارك لهذه القصيدة الجزلة


اتحفينا ولا تبخلي علينا بإبداعك


والى الامام وبالتوفيق

[أنكسارحلم]

الوجدان صح السانك على هذه القصيده

المعبره عن الماضي والحاضر وتمنا ان تكتب اسم صاحبها

عن اللتباس لبعض المفاهيم اذا لم تكن لك



تحياتي

[مذكر الرشيدي]

الله يعطيك العافيه على هذه القصيدة الجميله
وهذا ان دل على شي دل على ذوقك الجميل

[خلف العايضي]

الوجدان

شكراً لنقل هذه القصيده وتمنيت لو كتب اسم صاحب القصيده وهذه امانه ادبيه

وحسب مالدي بأن صاحبها هو الشاعر : مقحم الحربي

وتم تعديل المشاركه ووضع اسم صاحبها من قبلنا

[نــوآف الــعــويــمــري]

الله يعطيك العافيه