[بندر بن صبح]

السلام عليكم ورحمة الله وبركاته:

هذه محاورة بين الشاعرين: الشاعر الجدي والشاعر البرمكي:

الجدي:
ياعمدة الديوان نبغا ندهن السير ويسير=وان كان ماطاعك زمانك يااسود الشارب طعه
نبغا نحط الحمل يالصاحب عل ظهر البعير=ثم بعدها بااقول لك ياجعل ربي يقلعه

البرمكي:
انا بداله يالجدي واللي كتبه الله يصير=والجدي مادامه صناعي يختلف عن موقعه
حط الحمل فوق الجمل واضرب مع الدرب العسير=وام الدعاء ياابو الدعاء ماذكر فيها المنفعه

الجدي:
حطيت نفسك يابوبرمك من تحت سيف ٍ شطير=والسيف لامنه لمس له راس والله يشلعه
انته على الحبلين تلعب والحبل هذا قصير=جنب عن دروب الخطر ان كنت عايش فيه سعه

البرمكي:
ماقول فيك قصور فارس تنطح الجمع الغفير=لكن انا سبع ٍ يروع يادخل فالمسبعه
العب على الحبلين شفت الناس عميان البصير=عيت تحل الترجمه لوكتبها بالمطبعه

الجدي:
فارس واجيد الطعن في يوم عبوس قمطرير=واقنص ولاهم الجدي المسبعه والمضبعه
لكن انا عندي نظر ياصاحبي ماني ضرير=واليا لقيت اللغز اجيب الحل وافي وارمعه

البرمكي:
انته من ايا دار ياللصاحب قبل نوش المثير=وانته من ايات القبايل كل علمن شرعه
انته من اهل السيف دارن كلها خيرن بخير=والا من يهودن ديرها في ضواح المجمعه

الجدي:
انا من اللي لالقوا مثلك يبا عقله يطير=ويحط في عينه من الموت الحمر كل اصبعه
خل الرغى ياشعيل لاترغي بعد صوت الهدير=مابه يهود ن بالبلد شفت الجهات الاربعه

البرمكي:
اثرك من اللي ترتكي حتى ولو جاها نذير=ماتروح حتى بيتكم من فوق راسك نشلعه
انا ترى ماني رشيدي حضي الليله كبير=يوم الجدي زيزوم ربعه غير احطه وارفعه

الجدي:
حنا لنا يالبرمكي بالوقت ميقاف خطير=عبس العريبه مار ريح واسمع العلم اسمعه
الظاهر انك ياولد تلبس وملبوسك حرير=ماتقتنع لين العور سمه يسيل وتبلعه

البرمكي:
الظاهر انه نقلك السبع ذباح الحمير=هذا ماهو من ردكم لكن عد الصومعه
البس لباس العز الي ثوبن مع العالم ستير=يوم ان بشتكك من عذاب الوقت دوم مرقعه

الجدي:
السبع مايذبح سواتك لاتسير ولاتحير=ماياكل من الخضر ماله من وراها مطمعه
تلبس ولبسك مايغطي نصف جسمك ياعمير=يالسبع احد جا معه والا مابه احد جا معه

البرمكي:
اكيد يامن شافني يرد سيفه بالجفير=اما طعامه مثل قولك به حمير تشبعه
لاتردد اللبس النظيف انت الحقير بن الحقير=ياللي ليا جيتك مدامك ماتخل الوذعه

الجدي:
وانته ليامن شفت زول السبع يسمع لك صفير=السيف في ظهرك لمع عساه جيد ملمعه
والكم كذلك يابو برمك ياخضير ابن خضير=وانته مدامك كل مالقيت دويس ترضعه

الموضوع الأصلي: محاورة الشاعر الجدي والشاعر البرمكي بعد التنسيق | | الكاتب: بندر بن صبح | | المصدر: شبكة بني عبس

[ناصر خنيفر]

لاياسعني الا ان اشكر البرمكي على الانابه ولو هناك ملاحظات كبيره عليه ارجو ان لايكررها كما اشكرالصديق الطيب الجدي على التنسيق وسعة الصدر

المحاو ره طيبه وبيوت قويه لكن تحولت الى امور اخرى

انذار ثاني للبرمكي من العمده
---------------------------

[البرمكي]

اقتباس من مشاركة ناصر خنيفر لاياسعني الا ان اشكر البرمكي على الانابه ولو هناك ملاحظات كبيره عليه ارجو ان لايكررها كما اشكرالصديق الطيب الجدي على التنسيق وسعة الصدر المحاره طيبه وبيوت قويه لكن تحولت الى امور اخرى انذار ثاني للبرمكي من العمده ---------------------------

الجدي بيض الله وجهك على التنسيق
العمده مشكور على الانذار عزالله اني استاهل
باقي انذار ثالث من يجي منه الله وعلم ولكن ماهي مشكله عبس طيبين اعتذرلهم ويسمحون هههههههههههههه

[بندر بن صبح]

العمدة مشكور على المرور ياللغالي

وهاذي دروب المحاورة بالعكس اما صارت كذا صارت مجامله ماهي محاورة

[بندر بن صبح]

البرمكي مشكور على المرور ووجهك ابيض وعبس طيب على طيب

[شاعر الوطن]

صح اللسانكم محاوره قويه ..

ابداع ليس غريب على صديقي الجدي ..

[بندر بن صبح]

اقتباس من مشاركة شاعر الوطن صح اللسانكم محاوره قويه .. ابداع ليس غريب على صديقي الجدي ..

صح بدنك ياشاعر الوطن وماعليك زود

ومشكور على المرور لاهنت ياللغالي

[العالم الفلكي]

الله الله صح السانك يالجدي وصح السانك يالبرمكي شعار كبار مافيكم حيله

مشكور يالجدي على التنسيق