[ابن صقعان]

اهداء الى قلعة المجد والتاريخ الى احفاد عبس الى الموسس طيب الله ثراه
اعجني اسم قلعة المجد والتاريخ وتاريخ عبس وفي يوم الوطن تذكرة موسس
هذا الكيان الشامخ الملك عبدالعزيز وحد المملكه وهي مترا مية الاطراف على
ظهور الخيل والابل وهذا يدل على شخصيه قويه تبقى في الذاكره دايما ومن بعده
ابناه الكرام الذين يسهرون ليل نهار على امن وراحت المواطن والمقيم 0

سلام ياقلعة هل المجد والجود -- مجدا توشح بالكرم والشجاعه
سلام بن صقعان بالعطر والعود--يزود لازادالفضاء بالتساعـــــه
لحفاد عبس اعداد ماهبت النود-- واعداد مايذكر نبي الشفاعــــه
للي لهم بالمجد تاريخ وشهود -- يومن كلن نجدته من ذاعـــــــه
عدوهم يقفي من الطعن مسرود--يوم انها بالملعنه والكاعــــــــه
يوم الجزيره بين طارد ومطرود--كلن من الثاني يدور طماعـــــه
واليوم وقت امان وسهود ومهود--ساد الامن والجهل قفاء صراعه
يوم ارسل الله حاكمن واحكم الطود--خلا القبائل تحت حكمه جماعه
ونادا مناد الخير في حكم الاسعود--والعز بارجاء الارض قبقب شراعه
وصارالوطن وابناه من زودفي زود--زاد الامن والخير عقب المجاعه
مرحوم ياعودن سكن في ثراء العود -- عبدالعزيز اللى طويلن ذاعه
اعطى بشرع الله مواثيق وعهود -- لينن كلن صار عنده قناعـــه
واليوم حنا للوطن درع وجنود -- عن زمرة الارهاب فينا مناعـــه
وابديت ممادار بالفكر ياحمود -- شاعر وسجل كلمته ونطباعـــه
سلام بن صقعان بالعطر والعود-- لحفاد عبس اهل الكرم والشجاعه

الموضوع الأصلي: سلام بن صقعان بالعطر والعود لحفاد عبس اهل الكرم والشجاعه | | الكاتب: ابن صقعان | | المصدر: شبكة بني عبس

[برق الوسم]

ابن صقعان
صح لسانك وبيض الله وجهك
قصيده جزله وشامله .. لاهنت
وتسلم ... وتقبل مروري وتقديري

[ابن صقعان]

برق الوسم اسعد الله واقاتك بكل خير وشاكرا لك مرورك واشادتك اعتز بها وبيض
الله وجهك تقبل تحياتي وتقديري

[مروان الرشيدي]

صح السانك

مدد بلا عدد


قصيده رائعه كروعتك


"
"
تحياتي

[هامة العز]

صح لسانك

ومشكووور على القصيده

[ابن صقعان]

الاخ مروان الرشيدي اشكرك على مرورك ولاهنت تقبل تحياتي

[ابن صقعان]

هامةالعز اشكرك على المرور وتقبل تحياتي

[(ابوعواض)]

موجز الكلام انت شاعر نفخر به

لايسعني الا الصمت والتصفيق

مـــبـدع