[مرشدالمظيبري]

محاورة نادرة بين الشاعرين حبيب العازمي ونواف العازمي رحمة الله
في مهرجان هلا فبراير سنة 2002 م

والبداية كانت عند نواف والمعنى بهذة المحاورة كان من المعاني النادره في المحاورة
وهم بلا شك شعراء كبار في المعنى
نواف العازمي
هلا يامرحبا والله يحيكم وانا نواف = نيابه كويت العز والقاده وجابرها

انا لشفت زولك ياحبيب طيب الميقاف = تذكرت العلوم الاوليه وانت خابرها


رد حبيب

يدوم الك البقا ياشاعر ن فبلادك المضياف = تعبر والعرب مثلك تعبر عن مشاعرها

انا طيب ومتعافي وعايش ماعلي خلاف = وبعطيك العلوم الي على بالك تدورها

رد نواف

يقال الشعر وقته راح مع مطلق ومع صياف= وانا بقول مازار الجنايز في مقابرها
علومك طيبه وقريبه والخير ماينعاف =ولكنك تعرضها الهوا ولا تطيرها

رد حبيب

وانا اقول الصحيح المعرفه توجد مع العراف = وحد يلحق على اولها وحد يلحق على اخرها

انا ماني مدور شي لايذكر ولا ينشاف = ولاكتب باطن الدنيا على مضمون ضاهرها

رد نواف

اشوفك بول المصياف مثلك باخر المصياف= تطول خطوتك ياصاحبي ولا تقصرها

الاأ ياكثر من يسعا ولأ ياكثر من يطاف = ولكن العلوم الطيبه من طيب مصدرها

رد حبيب

احد يسري على نور القمر وحدن على الكشاف= وانا عز الرجال الي تقدرني وقدرها

الأ يكثر مال البنك مير البلشه الصراف= يحددلك مقادير الدراهم قبل يضهرها

رد نواف

انا بسري على نور القمر والبينا تنشاف = ولابغا عالمن تنشب لقمها في حناجرها

احد يسبح مع الغبه واحد يسبح مع الاطراف = ولكن الاحاديث الصحيحه من يفسرها

رد حبيب

ليا مرن سبع سمان مامرن سبع عجاف = ترا بعض العيون الكحل يبغا في محاجرها

سفينة نوح ماموره ومنهيه بلا مجداف = على موج البحور تسير والخالق مسيرها

الموضوع الأصلي: محاورة نادرة بين الشاعرين حبيب العازمي ونواف العازمي رحمة الله | | الكاتب: مرشدالمظيبري | | المصدر: شبكة بني عبس

[ناصر الخياري]

الله يرحم الشاعر الكبير نواف العازمي.
ولاهان الشاعر الكبير حبيب العتيبي ..

[أبوحرب]

شكرا مرشد

واللي توجد عنده صوت ولافيديو ينزلها

[(ابوعواض)]

الله يعافيك يامرشد


وصح لسـآنهم

[مرشدالمظيبري]

مشكور ين على مروركم

[(*العرعري*)]

كل الشكر لك ياالمظيبرري

ووالمحاورة موجوده
ولكن سؤالي لماذا لم تنشر محاوررة حبيب ونواف ومستور وملفي عام 1422 من قبل منتديات عتيبه أو القنوات الشعريه
هل لأن نواف العازمي تحداهم لوحده أم لماذا
مع العلم ان المحاورة موجوده لدي والله يرحم العازمي
وكل عام وانتم بخير
والى اللقاء

[شاعر وصادق مشاعر]

الله يعافيك يامرشد

وصح لسـآنهم