[الاجهر]

قصيدة قالها الشاعرالأمير : عبد الرحمن بن أحمد السديري
لأخيه : محمد بن أحمد السديري

يا من إيؤدي لي سلامي لبو زيـد=هاك القبال اللي ظميـري يـودَدي
سلامي أحلى من حليب المصاعيـد=في خايع ماسـوم إرظـه إمجـده
شبع بها الحاشي اوسيلـه ترايـد=اوعشيه دماج او زايد البـرد ظـده
بين السمار اوبين حـزم الجلاميـد=جنوبه الامحـاص لا هـه تحـده
نبايـه الروثـه اوسكانـه الصيـد= تلقا الوحـوش ابجانبـه مستهـدة
يلقا به القناص شـرد او ملاييـد =ا و يلقل به المشطون هاللي يـودَه
فيه ام سالـم مـا تمـر التناسيـد=يا سرع مبداها او او مسرع مـردًه
اصواتها و اصوات خلج المفاريـد=تعانقـت و الصبـح نـوره يمـده
يطرب لها السامع ولو صوتها إبعيد=صـداه سمحـات العوالـي تـرده
عذب هـواه او مثلـوه القواصيـد=من طالب له طايب تهيظ او عـده
ذكراه هاظتني او هيظـت مادريـد=مـن فيـظ روح هيظتهـا المـوده
اخـوى كسـاب الثنـا و الحاميـد=ماهوب مثبـور علـى هبـل قـده
ما يدرك الطـولات بعـظ اللواليـد=يسرع او يمرح ما ايفاخـت ممـده
البيت ما يعرظ على هـل الترديـد=اللي يعرفـون المجـال او مشـده

الموضوع الأصلي: يا من إيؤدي لي سلامي لبو زيـد | | الكاتب: الاجهر | | المصدر: شبكة بني عبس

[خاتم الرشيدي]

صح السان اسديري شاعر علم
اشكرك على نقل قصيدته

تحياتي

[almselem]

يعطيك العافيه اخوي االاجهر

[سرحان]

مشكور ياالاجهر والله لايهينك

[شداد المظيبري]

يعطيك العافية
الاجهررررررررررررررررر

[البعيد الهادي]

بيض الله وجهك يا الاجهر
على نقل هذه القصيده
الجزله
تحيييييييييياتي

[عبدالاله الرشيدي]

مشكووووووووور

يابو سعود

[خالدالغلا]

لا هنت ابو سعود ومشكور وتقبل مروري