[ابو محمد العريض]

يسوق الفكر هاجوسه علـى ذكـرى زمـان فـات
واسوق الشعر وجـزال القوافـي لاجـل اصخرهـا
هجوس الشاعر ان دارت بفكره جت لهـا بصمـات
وكـل حسـب عقلـه لــه تفاكـيـر يفكـرهـا
هواجس او تجـارب او حكـم او سمهـا خبـرات
نوادر شعر والمعنـى يجـي فـي بطـن شاعرهـا
وانا لو مااصخر صعاب القوافي باجـزل الابيـات
حرام انـي فـلا آقـف ظمـن شعـار تصخرهـا
ولا آقـف ماقـف مانـي بقـده يفـرح الشـمـات
ولا ادفع بالقدم خطوة وانـا مـا ادري وش اخرهـا
انا ابويـه مربينـي علـى سلـوم وعلـى عـادات
مثـل غيـري مـن عيـال الحمايـل مانغيـرهـا
وبلشت بنـاس احرقهـا الحسـد ومقالـب النيـات
بهـم نــاس بواطنـهـا مخالـفـة ظواهـرهـا
وبهم ناس كما الجرب وبهـم نـاس كمـا الحيـات
وانـا مانـي بمجـبـور بخـلـق الله اعافـرهـا
اليا برقـت بالعالـم يـروح الفكـر منـك اشتـات
تشـوف وتسمـع علـوم تعجـز انـك تعبـرهـا
وعرفت ان الرجل يحسد على اصغر واكبر الحاجات
ولكـن لا طـرى لـك حاجـة بالصمـت سورهـا
تموت النار ويطيـب المريـض وتجبـر العثـرات
ويبقـى حاسـد النعـمـة ولا يـقـدر يوخـرهـا
يا بوي ابشر بعزك واشمخ براسك علـى الهامـات
حشا الـي مثلـك مـن النـاس ربـي مايخسرهـا
انا لو ما آخذ الا الجود مـن كفـك وطيـب الـذات
ابكسب به عرب شبـه الجزيـرة عـن اواخرهـا
عرفت ان الرجل يبقـى وراه الذكـر لامـن مـات
وقدامـه فعـولـه والجمـاجـم فــي مقابـرهـا
وتجرت بمعرفة عكف الشـوارب واهـل الطـولات
ولا اخـاوي مـن احـرار الرجـال الا نوادرهـا
اشوف الصاحب الوافي كما النـادر مـن العمـلات
اليا منـه طلبنـي لـو يبـي عينـي لـه اظهرهـا
كريـم يضحـك حجاجـه جـزوم قـرم فالشـدات
صـدوق يحفـظ الاسـرار والصحبـة يقـدرهـا
والا ياكثـر صدقـان الرخـا والمصلحـة بالـذات
ولكـن لا بــلاك الله بـهـم حــاول تقـزرهـا
يقولون الصديـق الصـادق الـي يدمـح الـزلات
وانـا اقـول الصديـق ان زل زلـة مايكـررهـا
خطا الغالـي يبـي يكبـر بنفسـك مابهـا شكـات
ولكـن نقطـة فـي وســط غـبـة ماتعكـرهـا
والى جاتك من الثاني فهـي هفـوة مـن الهفـوات
عليه اصبر تـرى العقيـل تربـح مـن خسايرهـا
واليـا منـك دمحـت الاولـة والثانيـة بسـكـات
اليا كثرت علـى النفـس العزيـزة وش يصبرهـا
واخـوك و ولْـد عمـك لويضـدك بـاره مبـاراة
اليـا صغرتهـا تصغـر وتكبـر لــو تكبـرهـا
قرابتـك شجـرة وغصونهـا اليبَـس تبـا مـداراة
تلين او تبرض اطراف الغصـون احـذر تكسرهـا
ومـن جـاك يتعـذر لاتـرده واقبـل الصلحـات
وان اخطيت اعتذر والنَـاس لاتجـرح مشاعرهـا
ولا تقول انـي فـلان الفلانـي مااقبـل الغلطـات
مـدام الله تعالـى ذنوبـك اليـا تـبـت يغفـرهـا
هواجس او تجـارب او حكـم او سمهـا خبـرات
نوادر شعر والمعنـى بقـى فـي بطـن شاعرهـا




ضيف اللة سعود

الموضوع الأصلي: يسوق الفكر هاجوسة | | الكاتب: ابو محمد العريض | | المصدر: شبكة بني عبس

[ابو ريان الرشيدي]

صح الله لسان شاعرها

[ابو سامي]

صح الله لسان شاعرها

[ابو محمد العريض]

صح بدنك الهواوى

ومشكور على مرورك

[ابو محمد العريض]

مشكور ابو سامى على مرورك


تحياتى

[ابوفهد العويمري]

صح الله لسان شاعرها

[ابو محمد العريض]

مشكور ابو فهد مرورك


يشرفنى

[منصور غنيمان]

صح لسان الشاعر
وما قصرت تسلم