[سنام عبس]

ياهاجسي شاعرك جملَه في بيوت القصيدي=قدام لا يصتفق جال البحر والموج طامي
عطني من بيوتك الي ماتجيب الا المفيدي=وأنت الذي في نهار الحزن والفرحه حزامي
اليا تعزويت بك قدام قلي ياعضيدي=وانا على قمة المشراف والطولات سامي
فى منتدى الي لها باسٍ على الدنيا شديدي=ألاد عمي كبارٍ بالمواقف والأسامي
أهل الفخر والوفى والطيب من يدَها يزيدي=تاريخها وافيٍ بين الرجاجيل الحشامي
وقت اللقا رجال عبس اللي يضدون الضديدي=عزوه تجير الدخيل وبالكرم قومٍ كرامي
ربعي بني عبس وأفخر كل ماقالو رشيدي=من نسل قطفان والكفه لنا مبطي وسامي
عيوننا ماتناظر غير للشي البعيدي=وعزومنا عزوم حرٍ وقت المواجه قطامي
جمرة عرب ما نهاب الموت والخالق شهيدي=نارد حياض المنيه مالحق فينا ملامي
وصلو على الي رسله الله رسولِ للعبيدي=عليه منا تحيه من هنا ليوم القيامي

الموضوع الأصلي: قصيدة في شبكة بني عبس قلعة المجد والتاريخ | | الكاتب: سنام عبس | | المصدر: شبكة بني عبس

[بدر الذيب]

بيض الله وجهك وصح السانك جزله



ودمتم

[عادل العويمري]

بيض الله وجهك وصح لسانك

[عويض بن شامان بن خلف]

بيض الله وجهك وصح لسانك

[راشد الراشد]

ياسلام ياسلام ياسلام

الله وأكبر

ربعي بني عبس وأفخر كل ما قالو رشيدي=من نسل قطفان والكفه لنا مبطي وسامي
عيوننا ماتناظر غير للشي البعيدي=وعزومنا عزوم حر(ن)وقت المواجة قطامي

تحياتي وأشواقي لك يالمبدع سنام الشعر
لله درك وصح السانك مليون على القصيده الرائعه وتستاهل المدح بني عبس
والله يبيض وجهك ولايحرمنا من جديدك

[صياف]

ياسلام عليك ياسنام عبس بعد هذا القصيدة تستحق المصادقة على لقب ( سنام عبس)

لكن القصيدة ينقصها بيت واحد وهو عبارة عن ربط ويكون قبل هذا البيت مباشر من وجهة نظري لاهنت علـى القصيدة فهي قمة الجمال

أهــل الفـخـر والـوفـى والـطـيـب مـــن يـدَهــا يـزيــدي = تــاريــخــهـــا وافـــــــــيٍ بــــيـــــن الــرجــاجـــيـــل الــحــشـــامـــي

[سنام عبس]

الله يطول عماركم جميع ماقصرتم وافين
ويبيض الله وجيهكم وصح بدنكم
ولاهنتم ,,,