[النمر1012]

ماينسِّينا الخطأ (زر اتصال)
ماهو كبر /ولا غرورٍ/ نتبعه
من علاقه كل "مقامٍ له مقال"
كل عذرٍ تافهٍ/ مانسمعه
كانها ماجات/ بسلوم الرجال
من لفى قلّه : طريقه يرجعه
من هو قصّر بالتواضع / والوصال
معتمد /لو ساق عذره نمنعه
دام فكره /غارق بوسط الهبال
صعب مثله/ في نجاته نقنعه
واللي يعشق بالأحاديث /الجدال
ليش نسمع له كلام /ونرفعه
لو يقول: الليث بديار الشمال!!
سهل أقول: أبها جوار المجمعه
مير تربطنا /سواير بالحبال
والصدق /حبله خساره نقطعه
مثل شمس الكون /في وقت الزوال
واضحه ،،تنزح ولا احدن تخدعه
كم واحد /يطرحه خشم الريال!!
قبح الله من حياته مطمعه
من يقيس ،،أصحابه بفزعات مال
(يختبر) من يعتذر /أو يفزعه
أشهد ان عقله /غدى فيه ،،احتلال
(رأس مالي)،، يفتكرها منفعه!
الصداقه قدرها ،،فوق الخيال
شامله كل /الجهات الأربعه
رجل فعله مثل قوله/ كالظلال
وآخر أفعاله سراب وجعجعه
كم واحد له قدر مثل /العقال
فوق راسي/ وافتخر ماانزعه
وْكم واحد مع هبوب الحقد مال
ينكسر لو في حياتي بزرعه
واللي خاوا هاجسه وسط الليال
وْكل فكره تنثره/ ثم تجمعه
لايفكر/ في حلول أيّة سؤال؟
يبتلش /في كل حلن يرمعه
(بالشريعه) مايلاقي احتمال
في "حلول الدين" (للضيقه) سعه
واللي عامل بالمثل في كل حال
صحبته/ تطلق عليه (الإمّعه)
والله ان القلب مايخشى القتال
مير يصفح /من أصالة مرجعه
مايلام اللي نوى شد الرحال
لجل تحريض الغوى مايدفعه
حكمه اللي يرتجي له طيب بال
لابدت بالناس زود المعمعه
(وِحْدِةٍ وحشه) مع صمّ الجبال
خير من قوم ٍتحب الزعزعه
ان سكتنا أو نطقنا لامحال
النقاده كاس لازم نجرعه
ماراق اللي من قصيد

الموضوع الأصلي: ان سكتنا أو نطقنا لامحال النقاده كاس لازم نجرعه | | الكاتب: النمر1012 | | المصدر: شبكة بني عبس

[حنان الرشيدي]

صح ذوقك و لسان شاعرها ..
الله يعطيك العافية ع الإختيار الراقي .

[فضي البراك]

رائع هالأختيار

شكرا على هالنقل

[احساس الشمال]

لويقول الليث بديار الشمال
سهل اقول ابها جوار المجمعه
عجبني حيل هالبيت
صح السان شاعرها
ويعطيك العافيه اخوي

[عيد الداموك]

ان سكتنا أو نطقنا لامحال
........ النقاده كاس لازم نجرعه

صح لسان شاعرها
مشكور على النقل

[أحاسيس]

واللي خاوا هاجسه وسط الليال
وْكل فكره تنثره/ ثم تجمعه
لايفكر/ في حلول أيّة سؤال؟
يبتلش /في كل حلن يرمعه كثير روعه يعطيك العافيه

[النمر1012]

اقتباس من مشاركة حنان الرشيدي صح ذوقك و لسان شاعرها .. الله يعطيك العافية ع الإختيار الراقي .

صح بدنكم والله عافيكم والراقى وواذوق مرورك اختي الدكتوره مشكوره على المرور

[النمر1012]

اقتباس من مشاركة فضي البراك رائع هالأختيار شكرا على هالنقل

الروائع واجمل مرورك يابوفيصل مشكور على المرور