[مساعد الخياري]

ياسعود لا تنشد ترى مانـي مجيـب

خل الذي خافي لـه شهـور خافـي

ان شفتني مغتاظ لي حـق ومصيـب

ياسعود مزعلنـي جديـد اكتشافـي

الغالي اللي كان مـن قلبـي قريـب

بيني وبينـه صـار مثـل التجافـي

ان قلـت زلـه مثلنـا زلتـه عيـب

من قال لك شمس الضحى ماتشافـي

ان قلت هفوه يمكن اتصيب وتخيـب

كم لي سنه ماشفـت فيـه اختلافـي

وان صار في نفسه بعض شكه وريب

حتى البحر ماهو على طـول صافـي

صرنا من الصده سوات المصاويـب

كلـن نقـل جرحـه وقـال متعافـي

اصعب فراق فراق عكف الاشانيـب

ماهـو مفـارق لابسـات الغدافـي

والذيب لامنه عـوى جاوبـه ذيـب

والعلم حامض بـس ويـن الاشافـي

دامه لقى له غيـر قلبـي معازيـب

الله يسمـح درب هـاك السنـافـي

يروح لايرجـي رسـول ومكاتيـب

هـو خابـر انـي ماتلفـت خلافـي

واللي تعلى فـوق روس المراقيـب

اكيـد ماتسفـي عليـه السـوافـي

رح بشر اللي شال شلفـى تريحيـب

قلـه تـراهـا كلبـوهـا عـوافـي

اليوم نفسي طابـت وباكـر يطيـب

جرحي لو انه مـن يديـن المشافـي

خلصـت والدنيـا دروس وتجاريـب

سجل يابو عبـد العزيـز اعترافـي

الموضوع الأصلي: الشاعر \\ متعب التركي \\ ياسعود لاتنشد | | الكاتب: مساعد الخياري | | المصدر: شبكة بني عبس

[العريض]

صح لسان الشاعرمتعب التركي

لاهنت اخي مساعد الخياري على نقلك.تحياتي

[حــزام]

بيض الله وجهك اخوي مساعد الخياري
وصح لسان الشاعر المعروف والغائب متعب التركي
قصيدة جزله لشاعر جزل
لاخلا ولاعدم

[الفهد]

صح لسان الشاعر المبدع
والشاعر الكبير متعب التركي
وتسلم يامساعد على نقل هذه الرائعه لنا .

[مساعد الخياري]

صحت أبدانكم جميع

وشاكر لكم مروركم


ودمتم بصحه و سلامه

[عبس404]

قصيده رائعه وصح لسان شاعرها مشكور على نقلها

[رائد الذيابي]

صرنا من الصده سوات المصاويـب..........كلـن نقـل جرحـه وقـال متعافـي

صــــــــــح لسان الشااعر


وتسلم يمينك على النقل



تقبل مروري وخالص امتناني

[مساعد الخياري]

صحت أبدانكم

ولكم جزيل الشكر على المرور

ودمتم بصحه و سلامه