[غزلآن]

خلاص يعني
خلاص يعني كل شَيّ انتهى وراح
خلاص يعني مـا بقينـا حبايـب
يعني وعودك كلها كانـت مْـزاح
والاّ انت ما لك في المحبّه رغايب
وين العهود ووين لحظات الافراح
يعني تلاشت مع هبـوب الهبايـب
القلب بعدك من له اليـوم يرتـاح
من بعد ما هو في محبّتْـك ذايـب
ياما على شانك تحمّلت الاجـراح
وياما جروحي من صدودك عطايب
سرقتني عن جملة الناس يا صـاح
والفكـر عنـدك ماخذنّـه نهايـب
خِلّك يحبّك يا بَعَـدْ سِيْـد المْـلاح
إن رحت عنّه راودنّـه مصايـب
خَلّك معه دام الهوى حيل نضّـاح
والواش رِدّه يا هوى البال خايـب

الموضوع الأصلي: (((خلاص يعني))) | | الكاتب: غزلآن | | المصدر: شبكة بني عبس

[العريض]

وين العهود ووين لحظات الافراح
يعني تلاشت مع هبـوب الهبايـب
القلب بعدك من له اليـوم يرتـاح
من بعد ما هو في محبّتْـك ذايـب

صح لسان شاعرها


سلمت انامل ناقلها

دمتي بحفظ الرحمن

[غزلآن]

مشكور و ماقصرت


و هذي القصيدة لشاعر فزاع

[العريض]

ماسوينا الاّ الواجب وانا من محبي فزّاع

[غزلآن]

و منو الي ما يحب فــــــــــــــزاع

[التانجو]

ياما على شانك تحمّلت الاجـراح
وياما جروحي من صدودك عطايب


تسلم يمينك اختي غصون وصح لسان فزاع

وتقبلي مروري

[غزلآن]

الله يسلمك
و صح بدانك

[صوت البدر]

المبدعه
غصون الراك سلمت يمينك وصح لسان الشاعر

لك تحياتي